二零二一年九月三十日（星期四）
我的逸逸寶貝5歲了。
很早逸逸就說要跟爸爸一樣，生日要住酒店和食自助餐，本來她還要求跟爸爸生日住同一間酒店在同一間餐廳食Buffet，依樣嘢媽媽我一定接受唔到，因為打算住三日兩夜，最後我平平地㨂咗住旺角的帝京酒店，預約埋口碑唔錯的花月亭食逸逸的生日晚餐。
今天Birthday Girl其實非常忙碌，早上仍要上學參加學校生日Party，有時生日正日遇上學校生日Party其實都未必係好事，因為就算你話俾老師同學知今日係自己生日大家都不以為然，只是以為你在說自己是今天Party的主角。
返屋企做埋功課，5點半要去學跳舞，這是逸逸每個星期都非常期待的時間，所以不能錯過。為了抓緊時間，我地帶埋行李，學完跳舞就直接坐的士去酒店。
中秋節才剛過去沒多久，酒店大堂位置仍放有中秋的佈置，逸逸在這兒玩到樂此不疲。
這兒設有Check in機械人，看起來很有趣，客人只要預先在網上填好資料就可以使用。
使用期間也有職員在旁邊協助，我說使用這機械人Check in速度不見得特別快，職員說因為依個時間客人不多，當櫃枱大排長龍時機械人就有很大的幫助。
房間位於底層，窗外就是平台，所以大部分時間都關上窗簾，不過始終外面種有植物，景觀其實比Holiday Inn好，只是怕有陌生人在外面走動。
放好行李就落去樓下餐廳吃自助晚餐，今次主題是聯乘《比得兔2：走佬日記》推出的尋兔樂園自助晚餐。
食物出奇的合偏食逸逸的口味，啱佢食的食物竟然可以放滿一大碟。
食物真係非常豐富，蟹羔超級正，又有生蠔片皮鴨燒鰻魚仲有燉湯，全部都好啱我，樣樣都想試。
逸逸仲要Encore片皮鴨。
甜品主要是以彼得兔為主題，全部都整得好靚，我覺得最好味係個大型紅蘿蔔，入面係合桃甘筍蛋糕，正！
超級靚的馬卡龍
逸逸第一次食曾經紅極一時的花盆甜品
一邊食一邊話：我食泥呀！超級興奮。
壽星女當然要食埋最鍾意嘅雪糕先走。
依餐自助餐大家都食得好滿意。這兒的收費跟其他餐廳有點不一樣，5歲以下小童免費，今天剛剛足5歲的逸逸就要收費了。我們是誠實的人，也跟職員確認了是兩大一小，反而職員看見逸逸之後多次反覆詢問小朋友夠唔夠5歲，看來只要我們立定決心講大話逸逸就免費，只是我們不會這樣做，還告訴職員我們今天是來慶祝小朋友5歲生日。
食飽之後我們去旁邊的新世紀廣場逛一下，遇上了以Monchhichi馬戲團為主題的活動，正好讓我們拍拍照。
返房之後就食生日蛋糕，酒店賓客可以以$30的價錢於餅房購買生日蛋糕，附埋蠟燭和餐具，很不錯。
Happy Birthday
扮切蛋糕
逸逸話跳舞老師要佢返屋企練習動作，真係勤力過返學。