逸逸5歲了。
之前去親BBQ都淨係食白方包的逸逸竟然又話想搞BBQ生日Party,難得娘家樓下的燒烤場已重開,雖然只有下午時段,都按逸逸的意願搞BBQ生日Party吧!
三個小朋友去到戶外地方玩得更加興奮。
Mario Party「誰最搶鏡」遊戲
大人也難得踢下毽
因為逸逸只吃方包,所以預備食物時也沒有特別照顧壽星女的喜好。今次我再次幫襯優鮮,試了他們的海鮮靚肉BBQ套餐4人份,只是加購了鮑魚和扇貝各5隻,另外再自己買了一塊英國乾式熟成21-28日的斧頭扒、一包逸逸喜歡的Johnson腸仔以及白麵包,八大三小竟然食剩了大量肉類,真係誇張。
食物全部都好好味,逸逸亦如我所料,只吃麵包和香腸,仲有薯片⋯⋯
一家人聚埋一齊熱熱鬧鬧特別開心
飲杯
小朋友食完繼續跑
女士大合照
燒完嘢食就上娘家瞓晏覺,晚上繼續一齊吃晚飯,合作食埋午餐的剩餘物資。
晚飯後先砌生日蛋糕,依期柴犬當道,生日蛋糕係柴犬,公公婆婆送的生日禮物都係柴犬。
輪流同壽星女影相
曉曉影相時都仲好地地,仲話自己生日時都要柴犬蛋糕,點知越嚟越唔對路,仲喊咗出嚟,話唔捨得切咗柴犬喎~小朋友真係單純得好可愛。
逸逸寶貝生日快樂!