慕道班朝聖團下午的節目是行山，本身行路好慢（我們稱之為養生）的逸逸根本沒可能跟得上，加上下午沒睡覺體力更加不足，所以由報名時已決定下午離團。
我一直都好想試下坐船遊水鄉+睇白海豚，雖然知道睇到白海豚的機會好微。1997年赤臘角興建香港國際機場，大片白海豚的主要棲息地早已填海造地，成為了機場跑道與客運大樓，當時的調查發現香港水域僅存250條中華白海豚。20年後，根據調查顯示，2018至2019年度香港境內白海豚數目只餘下32條⋯⋯
不過，在大約20分鐘的小艇航程中，仍然可以欣賞到棚屋、「將軍石」、舊大澳警署、大澳文物酒店以及港珠澳大橋的人工島。
我哋隻船得我們一家三口和一對情侶，點知我哋出發無耐就發現恆仔慕道班同學登上另一隻船，原來他們擔心天雨路滑，所以也取消了登山的計劃。
係水道欣賞大澳棚屋，另有一番景致。
出海之後船開得好快，喜歡刺激的逸逸超級興奮。
這是將軍石，石身高約10米，面向著伶仃洋，體態仿如威風凜凜的大將軍倚石休息時的模樣。
前面就是港珠澳大橋的人工島
船家在海面停留了一陣子，正打算要回航之際，恆仔竟然看見海豚的尾巴。於是船家立即按照恆仔所指的方向追踪，最終大家包括逸逸都成功看見中華白海豚。
甚至還讓我的鏡頭成功捕捉到跳上水面的一刻，實在太感動，太令人難忘了，恆仔的慕道班同學也成功看到中華白海豚，感謝天主。
原來因為疫情的關係，區域旅行限制導致每小時數班的珠江三角洲高速渡輪暫停服務，這遏制了對海豚的一個關鍵威脅，成為了我們看到中華白海豚的關鍵。
坐完船我們就逛逛市集
這幅立體壁畫畫滿當地居民的生活日常，如橫水渡、棚屋、漁船等，站在畫內即可融入當中成一部分，扮漁夫捕魚，很好玩。
街上還有很多靚靚壁畫和裝飾，周圍都係打咭位。
逸逸好喜歡這隻貓貓，要跟牠拍照；我們又在其中一家店內遇到一隻識講Hello同Bye Bye的鸚鵡，好可愛。
行到新基大橋個邊，泥灘非常熱鬧，除咗見到好多估計係招潮蟹的蟹仔之外，又見到彈塗魚，仲有可能係白鷺的鳥類，如果全部都無搞錯，就一次過見晒紅樹林三寶。
剛才坐船時見到棚屋有啲好吸引的Cafe，當時已經想坐低飲啲嘢，但有靚景的全部都好多人，而且有最低消費又限時限刻，即刻無晒Feel。
最後我們揀咗一間好闊落但係無景的Cafe，叫做Peace of Mind。這兒雖然無冷氣，但係可能夠闊落，只係得風扇都已經好舒服。
飲品方面有恆仔的凍檸茶，逸逸的蘋果汁，以及我的手沖咖啡。逸逸話肚餓，叫咗個bagel，味道一般。另外我又叫了一個Handmade Basque Burnt Cheesecake，超級好食。
我哋坐16:00船返屯門，早咗少少到碼頭，恆仔排隊，我帶逸逸去長廊跑下。長廊有人係度釣魚，逸逸見到就同我講：不如我哋扮釣魚呀！跟住有個釣緊魚嘅伯伯突然搭嘴話「好呀」，笑到我同逸逸肚痛。
買埋結咗冰的紫貝天葵，今次大澳朝聖之旅就完滿結束了。
逸逸是日金句：旅行梗係開心㗎喇，邊有人唔鍾意去旅行嘅啫？