奇妙處處通會員獨家PREVIEW:迪士尼尋夢奇緣

二零二一年六月二十九日(星期二)

今天是逸逸K2的最後上課日,迪士尼樂園正好舉辦奇妙處處通會員獨家專享日,可以在最佳位置欣賞全新的城堡匯演:迪士尼尋夢奇緣,於是我就請日大假,接咗逸逸放學就過來了。

我們大約12:45PM來到迪士尼樂園,今日逸逸一身打扮係Pink Princess Minnie。

我們還是第一次參加奇妙處處通會員獨家尊享日,因為預約時已選定了欣賞新表演的時段,要先去售票處換領手帶再進場。

今日第一個受寵幸的設施就是小飛象

平日都無留意,原來旁邊還有用植物修剪出嚟的小飛象。

我們有張Corner Cafe的免費下午茶coupon,6月30日到期,本來諗住睇吓今次可唔可以食咗佢,點知今日Corner Cafe無開,咁不如試吓由Plaza Inn。

Plaza Inn裝修好靚,環境好舒服,今日客人唔多,唔駛等位。逸逸最欣賞這兒的廁所,所以依度係佢口中廁所好靚嗰間餐廳。

首先幫逸逸點了一份兒童餐,入面有蜜汁叉燒腸粉、米奇奶黃包、蒜茸蝦春卷、甫魚滑燒賣、米奇芒果布甸、酥皮雞蛋撻同埋得意小白兔,依個兒童餐超級啱逸逸口味,除咗粒燒賣,成份食晒!

我和恆仔就叫咗兩份午市套餐,有燒味雙拼(隨便拼的,我們兩份是不一樣)、竹笙上素粉果、帶子蒸燒賣、白灼時蔬、鳳爪排骨煲仔飯/北菇滑雞煲仔飯(我們一人選一款SHARE吃)以及蛋白杏仁茶。

價錢不便宜,但環境加味道,以迪士尼樂園來說也是一個不錯的選擇。

食飽飽繼續去玩,難得依個廣場位無乜人,影相靚靚。

我們來之前也不知道,原來會員尊享日只是開放夢想世界的設施,也沒有其他Show睇,雖然有少少失望,不過既然咁少人,就盡情享用一個好Free的夢想世界吧!

轉轉馬

Pooh Pooh

夠鐘喇,我們預約了3:10PM睇新的城堡Show,憑手帶進入城堡前的觀賞區。

我們來得比較遲,已經剩下較後的位置。成年人站著看仍然很清楚,逸逸就會被遮擋部分視線,於是偉大的爸爸讓她坐在膊頭上面欣賞表演。

迪士尼尋夢奇緣這個表演,內容和歌曲都是圍繞勇氣和追夢,首先由米奇和米妮老鼠帶領著唐老鴨、黛絲、高飛同時現身。

《玩轉極樂園》的主角米高出場,據說他是首次現身香港迪士尼樂園。當日我們還沒有看過這套電影,沒多久就看了,下次再看這個部分相信會更加投入。

之後係三個勇敢追夢的公主 – 寶嘉康蒂、Elsa同埋Moana。

還有《優獸大都會》的Judy和Nick,我沒有看過這套電影,但對Judy和Nick又不會完全陌生,因為玩TsumTsum 都有他們出現,不過真係要搵機會睇返套戲。

最後所有角色出來Ending

個SHOW大約20分鐘,整體來說都好睇,歌好聽,出場角色也有新鮮感!

睇到尾聲,逸逸猛咁話啲音樂令佢好辛苦,問清楚先知原來係坐膊頭坐到腳痺,以後依個表演被稱為睇到腳痺個表演。

因為今日只開放夢想世界的設施,所以我地的目標就係玩晒所有開放的遊戲就走。

小小世界

轉轉杯

突然話想同魔法地拖拖住手影相

米奇幻想曲

仲有好耐無嚟過的童話園林

最後換埋本奇妙夢想城堡書仔

5:25PM就乖乖返屋企了。

Comments

comments

發表迴響

你的電子郵件位址並不會被公開。 必要欄位標記為 *