二零二一年六月十四日(星期一)
今天是端午節假期，連住星期六日都算係一個Long Weekend，無乜特別節目就不如去迪士尼玩下。
一入場就係美國小鎮大街見到Stella Lou。
第一站首先去換禮物。
香港迪士尼樂園在2021年6月2日至6月28日期間，所有醫院管理局員工及已注射至少一劑新冠疫苗的MyDisney會員，可於樂園內免費領取價值約港幣$250的禮品包乙個。
我們在探險世界的布教授商店領取了兩份禮物，都是Cap帽加唐老鴨杯，雖然Cap帽款式不同，不過其實我們應該在不同商店領取，相信禮物款式比較少多樣化。
換完禮物，我哋就去玩森林河流之旅，落住雨玩特別有氣氛。今次我先留意到原來每隻船都有個名，今日我哋坐個隻船就叫做IRRAWADDY IRMA。
跟住就去歷奇噴水池跳舞，又噴到我條褲濕晒。
小小世界
轉轉杯
轉轉馬
小飛象
今日人唔算多，排一陣隊好快就玩到幻想世界的遊樂設施。
今日有一個重點目的，就係試吓皇家宴會廳舉行的皇室佳釀美食節。2021年4月30日至6月27日（逢星期五至日及公眾假期）期間，讓賓客有機會一次過品嚐多款從未於樂園亮相、屢獲殊榮的迪士尼特色環球美食；體驗驚喜十足的分子料理；淺酌白霧翻騰的特色飲品和雞尾酒及本地手工啤酒等等。
賓客需購買美食節專用電子代幣享用佳餚美酒，憑一個電子代幣可換購一款美食、甜品及非酒精飲品，憑兩個電子代幣可換購雞尾酒特飲及酒精飲品。代幣$40一個，我買了10個，送唐老鴨杯一隻（又係唐老鴨杯😅）
入場要先在外面排隊，入到去再要等位，這種模式實在令人不耐煩。不過幸好這兒用電子代幣的關係，而且分類成不同的攤位換領食物作分流，所以買食物的流程感覺比一般迪士尼餐廳好。
首先幫逸逸點了一客兒童餐，見到有蕃茄飯就表示逸逸的食量有保證。
你睇吓佢幾開心～
大人的食物選了土耳其烤肉、雜菌椰菜捲、煎雜肉腸配芥末醬、意大利風乾火腿配哈蜜瓜以及以意大利區內上盛的芝士王 – 帕馬森乾酪(Parmigiano-Reggiano) 即場製作卡邦尼意粉。
其中的雜菌椰菜卷是WACS Global Chefs Challenge, Korea – Final May, 2012 (Bronze Award)獲獎菜式，主廚團隊以森林為構思主題，以綠色的椰菜包著忌廉芝士，做成一個小山丘的形狀，旁邊加雜菌，再配以檸檬果蓉汁，不論外貌及味道，都讓你感受森林的氣息。
全部都好味道，絕對不是平日樂園餐廳的食物質素。
再點了兩杯飲品，分別是蔚藍傳說以及青蘋果沙冰。
十個電子代幣全部用完。
因為我們上次睇冰雪奇緣Show每人送了一個電子代幣，於是可以一人揀一件甜品。
逸逸選擇的甜品屬份子甜品料理廚房出品的鮮果魚子配意式芝士脆筒，我另外選了米奇- 榛子朱古力慕絲蛋糕和黛絲-紅桑子青檸忌廉蛋糕，靚靚～
好滿足的一頓午餐。
飯後我哋就去玩Pooh Pooh
見到黑寡婦和Captain Marvel
玩發夢
今次仲玩咗射槍槍，左邊係逸逸的成績，右邊係我的成績，自己坐一架車可以專心戰鬥的恆仔好似分數係我的5倍。
仲有Space Mountain，今次逸逸玩得更加從容。其實上次玩完Space Mountain之後，就好想可以同我哋一齊玩灰熊山極速礦車，不過未夠高，期待中⋯⋯
經過15週年裝飾，難得無乜人排隊，搵職員幫手影返張一家三口靚靚合照，如果可以唔駛再戴口罩仲靚⋯⋯
去到反斗奇兵大本營R相影，Hello胡迪～
今次再玩綠色遮遮，逸逸可以舉起雙手玩呀！
未夠高玩冲天遙控車，扮住玩先喇！
臨走我去買咖啡，兩父女逛下舖頭，見到可愛的小飛象。
落雨喇！我哋今日真係好好彩，除咗剛剛來的時候曬了一陣毛毛雨之後就一直好天，直至預備離開才落雨，真的感謝天主。
PS 因為昨天恆仔打完針，今天比較累，所以由我駕車，結果係去屯赤隧道途中係屯門哥爾夫球中心附近俾影快相，罰$450加扣3分。換車之後因為架車性能好咗忍唔住揸快咗，今次當買個教訓，謹記安全車速。