父親節2021

二零二一年六月十九日(星期六)

這天約了老爺在淘大商場吃午飯,打算和他飲茶慶祝父親節。平日用開THE GULU在稻香取票排隊,不知何故暫停使用,去到又去海港酒樓試吓拎飛仔點知多人到唔駛諗。老爺問點解多人到唔駛錢咁,原來佢都無留意星期日就係父親節。

周圍都超級多人,唯獨客家好棧唔駛等位。一樣有茶飲,仲食到我老爺話充滿回憶的客家茶果,食物味道又正常,點解依度特別少人?奇怪。

食完午飯回家逸逸身體越來越唔舒服,原本晚上到跟爸爸慶祝父親節,為免傳染俾嫲嫲同兩個小朋友,我們還是留在家,不過砌蛋糕時都用FaceTime合照。

二零二一年六月二十日(星期日)

父親節正日跟恆仔慶祝,逸逸今年做了兩個手工送俾爸爸。

晚上我們吃韓燒,主角係韓國燒烤專門店TongKeun Galbi出品的梅頭豚上肉,配埋韓印紅買的包飯菜,正。另外,從炑八外賣了大醬湯和雞扒蛋包飯,全部好味道。

仲有美心西餅Be My Hero系列鐵甲奇俠石板街蛋糕,個Iron Man只要吹氣或輕拍就會發光,好搞笑。

二零二一年六月二十一日(星期一)

逸逸身體好返好多,於是同爸爸補祝父親節,預約左明星海鮮酒家,第一次光顧食肆的C區,全員要掃安心出行。

好耐無試過係街5個人坐埋一枱食飯了。

今晚其中一道菜是片皮鴨。

不吃鴨的媽媽看不過眼逸逸只吃餅皮,於是出盡法寶玩晒遊戲講埋故事咁鼓勵逸逸包住鴨肉來吃,結果逸逸食過翻尋味,想同婆婆分享。

結果兩婆孫用餅皮一個包肉一個包菜一齊食,超攪笑。

Comments

comments

發表迴響

你的電子郵件位址並不會被公開。 必要欄位標記為 *