今年農曆新年，屯門區議會揀選左屯門碼頭海濱長廊的圓形觀景台及幻愛橋設置新年燈飾，本來一直已心思思想去睇下，但又一直得個諗字，直至阿妹一家都去咗睇，聽講雖然多人但係幾靚，終於的起心肝一家三口去影吓相。
去到的時候天都未黑晒
好不容易由輕鐵屯門碼頭站海趣坊行到去圓形觀景台，逸逸竟然突然話想去洗手間，明明出門口時問過才說剛上洗手間沒多久，附近最近的洗手間要返回海趣坊，唯有先回去，吃過晚飯後再來。
我們在敏華冰室吃晚餐，因為疫性的關係，久違了的一家人一起外出用餐，第一次幫沒有安心出行的逸逸填紙仔，下次還是多帶一部手機比較方便。
晚飯後再次出發，入黑後海旁欄河的燈飾更加漂亮。
靚靚，如果無埋個口罩仲靚，嗚嗚……
終於來到幻愛橋，真係好夢幻喎~我們來的時候人還未算很多，後來就越夜越多人，可能都是吃過晚飯後才來散步吧﹗
一家三口自拍合照
走時候竟然發現爸爸和媽媽，正在拍照的媽媽被從後突襲的我嚇了一跳﹗
有爸爸幫我們影了一張靚靚全家幅。