自經老友阿高介紹之後，已經幫襯過幾次優鮮食海鮮蒸鍋，又訂過大閘蟹和毛蟹，印象都非常好。
優鮮係大時大節也有推出海鮮盆菜，中秋的時候已有點心動，後來與阿高談起，她說已經試過並且激讚味道很好。盆菜最少4人份，我正在擔憂份量太多，阿高說上次四個人吃份量略嫌不足，我們一家三口絕對無問題⋯⋯
於是今年冬至，我就點了一份普世歡聚盆菜試試。
盆菜份量極大，點可能四個人唔夠食？
我同恆仔一人食完一隻超巨型龍蝦之後已經飽左一半，龍蝦又厚肉又Juicy，實在回味無窮。
其他食物也非常精緻，整體食物鮮甜不油膩，我這個海鮮痴樣樣都鍾意。逸逸最愛長洲大魚蛋，恆仔最欣賞入面的菜和蘿蔔，可惜份量太少，翌日我們自己加菜再煮都超級美味。
最後我們總共吃了三餐才完成整個盆菜呢！
PS 我落咗盆菜Order後同阿高傾開，先知阿高同日也Order了盆菜，當日她收貨後也有通知我，本以為同在屯門區下一個應該送來我家，最後卻接近一小時後才到。後來在Facebook分享這個盆菜，才知道中學同學阿欣同日也是訂了這個盆菜，而她正正住在阿高和我之間，終於真相大白了。