離開香港迪士尼樂園酒店,我們直接駕車過來迪士尼樂園。今天是公眾假期,遊人比較多,幸好我們是酒店住客,可以行特別通道。
藍天白雲下的迪士尼,童話感覺特別強烈。
逸逸昨日對童話園林一見傾心,今日一直嚷著第一個地方先去童話園林,但我心裏卻在想寶貴的morning dash有什麼理由去永遠都不用排隊的童話園林?總之去咗夢想世界先啦。
每次經過新城堡都面讚嘆一番
因為昨日黃昏時因為小小世界排隊的人太多我們放棄了,於是力勸逸逸先去玩小小世界先,逸逸都肯接受,不過有種好喇就下媽媽你喇的態度,明明佢一向都最鍾意小小世界。
唔使排隊的小小世界特別玩得暢快
下一站點都要去童話園林
這個公主控對童話園林著了迷
我也發現到原來除了那些機械裝置,仲有好多detail位的設計好靚。
進入Toy Story Land,逸逸每次經過都好驚依個會發聲的胡迪。
竟然係依度見到牧羊女!似乎今次迪士尼重開之後,比起上一次多左安排迪士尼朋友出來跟遊人保持社交距離地meet and greet。
我地去咗玩彈弓狗
之後就去玩森林河流之旅,咦!之前臨尾噴火個位點解變咗淨係冒煙既?
本來諗住去大冒險家餐廳食午餐,點知多人到外面大排長龍等位,於是改變主意不如食少少嘢然後返屋企先食午飯,於是決定返回剛才經過Toy Story Land的小食亭買雪糕。
逸逸反而唔驚Toy Story Land另一邊入口的抱抱龍Rex
Family Photo
最後我們在翠絲小食車買咗菠蘿沙冰新地,清新冰凍的沙冰入面仲有椰果,炎夏消暑真係一流。
充充電之後同逸逸講好咗玩多一次小小世界就回家了。
途中遇上雜技表演,我哋停低睇咗一陣,吸引力一般。
小小世界又係要排超過半小時,不過今次點都要頂硬上,因為隊伍一直有移動,感覺不算太累人。
在離開迪士尼樂園的路上,在小鎮大街竟然遇到高飛& Pluto以及唐老鴨和黛絲。
因為依家要同迪士尼朋友合照都只能遠距離自拍,所以我們都只係遠距離R相影。
出到近正門位置,竟然見到迪士尼公主係火車站樓梯跳舞,好Surprise呀!
偉大的爸爸為咗令個女睇得清楚啲,辛苦啲都唔緊要!