離開迪士尼樂園，我們就驅車前往今晚入住的香港迪士尼樂園酒店了。
因為香港迪士尼樂園酒店的價格比較貴，對上一次入住已經是2008年，當時因為慶祝結婚一週年又適逢有企業優惠，入住價格比較貴的夢幻客房。
今次就因為疫情關係迪士尼就推出了夏日酒店房間優惠，$1840標準客房一晚連早餐套餐兩位，比平日已經便宜了不少。
香港迪士尼酒店的標準客房，行高貴典雅的路線。所以除咗幅畫之外，都唔似其他迪士尼酒店咁大鑼大鼓周圍都係迪士尼Characters，所以逸逸係房間入面發現到小小的Tinkerbell特別興奮。
對於我來說，特別興奮的就是這個望泳池景的露台。其實本來都諗過想來游水，亦已帶備了泳衣和水泡，不過因為防疫關係游水要按time slot 拎籌，我們來得晚，剩餘的time slot都不太理想，所以決定放棄。
預約的時候寫咗慶祝生日，所以酒店送咗毛巾生日蛋糕，我地話俾逸逸知係米奇送俾佢的，非常開心。
仲有一包ShellieMay軟糖添！我想講依家迪士尼出品的零食好味咗，以前酒店送過曲奇係難食到要丟咗佢。
Check in時職員提醒我們先去華特餐廳預約明天的早餐，我們決定晚餐也光顧華特餐廳，不過要等位，留低電話有位就通知我們過來。
雖然早幾日開生日會已經砌咗蛋糕，生日正日都要意思意思，自備小蛋糕，照樣可以唱生日歌吹蠟燭。
未可以吃晚餐，逸逸一邊睇Disney Channel一邊鯨吞晒我們帶來的兩個蛋糕仔。
可以出發去華特餐廳吃晚飯了
環境好舒適，有足夠的空間感。平靜的室內，其實外面正下著大雨，天文台還因此而發出黑雨訊號呢！
首先送上麵包
原本又肚餓又眼瞓的逸逸，一有包食就精神晒！
逸逸的兒童套餐：肉醬意粉配鮮果沙律及低脂芝士餅
我和恆仔就點了一份有頭盤、湯和主菜的套餐再加一份意粉Share來吃。
頭盆：凱撒沙律配雞胸肉
龍蝦湯
12 OZ美國肉眼牛扒
皇帝蟹肉‧三文魚番茄汁扁意粉
食物樣樣都好好食
因為恆仔好想飲凍檸茶，單點都好想飲，於是我都點一杯凍朱古力，點知睇返張單係餐茶唔駛加錢，但餐牌無寫包飲品的。另外因為逸逸係9月壽星，奇妙處處通會員於華特餐廳消費每滿港幣$300可享港幣$100折扣優惠，所以依餐Birthday Dinner價錢很實惠呢！