今天放假，負責接送逸逸返學放學，逸逸上學的三小時，成了我久違了的獨處時間。

一早就決定了去我很喜歡的樂啡吃早餐，樂啡開9am，我還要在輕鐵站坐一陣間等開門。

咖啡師行開左，食物先到。上次透過food panda幫襯樂啡試過這兒的飛碟，非常好吃，所以今次也叫了芝士鹹牛肉飛碟，不用經過外送的時間當然更加好吃，除了熱辣辣之外，原來好吃的秘密是用上了非常好吃的芝士，大家有機會一定要試下。

咖啡當然就是選擇暫時只知道在屯門只有樂啡找得到的短笛咖啡PICCOLO，正﹗

飲咖啡期間，諗下之後做乜好，突然覺得好耐無行過山，不如短短地行下屯門徑，何福堂上山景峰落山都唔錯，於是坐言起行出發搭輕鐵去何福堂站登山去。

何福堂書院旁的入口其實也是麥理浩徑的終點。

村屋很多支路，不過地面有清晰的指示，不會迷路，避免了上次我們曾經在富泰嘗試上山但找不到路要折返的問題。

好耐無行過咁多級樓梯，一鼓作氣咁上都有D氣喘。

終於上到去，轉右是麥理浩徑，不過我的目標是左邊的屯門徑。

途中會有分支路，其中一邊係指向的地方就是上次本來想由富泰上山前往的藍地水塘，下次可以由景峰上山過去。

登高望遠，整個屯門一覽無遺。

屯門徑的打卡位：彩紅欄河

見到若夢園的招牌令人好懷念啊﹗中學的時候我們經常上山，因為媽媽的朋友蘇生蘇太在山上種了幾塊田，我們還曾經在田邊BBQ呢﹗

全程行了50分鐘，大約11:00AM到達景峰花園，仲可以坐低飲D野先夠鐘接放學，偶然這樣運動一下出一身汗真係好舒服。

Comments

comments