離開北投溫泉博物館，還有一點時間，希望可以在午飯前帶逸逸去以火車為主題的長安公園玩一陣，然後去早安勇士食Brunch。
經過建築好靚的北投圖書館。
點知行下行下就行錯左路，結果錯有錯著，逛了北投民居附近的街道。
好可愛的Crocs
買左香港肯排隊都未必買到的台式古早味烤蛋糕，我們買的這間叫做湧蓮，上網搜尋就會發現不少食評，早兩年正值古早味蛋糕熱潮的時候，外面總是堆滿排隊的人。我們買了原味，蛋糕係好食，不過我覺得又未去到要排隊咁誇張囉。
經過一間叫做孫東寶台式牛排教父的餐廳吸引住，其實都要等一陣位，不過一來星期日其他地方都可能要等位，二來港式牛排食得多，都想試下台式牛排，就等一陣喇。
原來在吃西餐還是很奢侈的1970年代，孫東寶以親民的價格，於台北八德路的巷子內擺攤賣起”會吱吱作響的鐵板牛排”，並成為台式牛排的代表，現在台灣夜市也會有不少吃鐵板牛排的店。
每份套餐都配一個牛油爆漿餐包，超級好吃，我覺得係餐廳入面最好吃的食物。
湯和飲品都是自由取用，質素正常。
幫逸逸點了炸雞塊，逸逸很喜歡。
點了一份紐約教父牛扒和一份主廚雞扒，整體味道都唔錯。
仲加錢點了一份雪糕
牛扒(NT$270) 、雞扒(NT$150)、雞塊(NT$30)、雪糕(NT$30)，食物質素不是超班，不過性價比贏晒。
吃過午餐，我們就乘的士回酒店取行李，再直接去機場了。
去到機場快手快腳CHECK IN買手信過埋關，因為離開台灣之前仲有一樣好重要的事，就是在機場禁區食林東芳牛肉麵。
因為大家都唔肚餓，我地三個人share左一碗麵，唔知係咪環境影響風味，雖然都是好好味，不過硬是覺得缺少左一點點粗獷感。
食完就匆匆忙忙的趕去登機，依個時候逸逸竟然係度扭計要抱，唔肯自己行又唔肯坐車仔，結果可能因為剛食飽又喊結果嘔，仲要花時間為她清潔和抹地板，超狼狽，幸好最後勉強趕上飛機。
上飛機又食飛機餐，好彩只係食包，Heavy少少都食唔落。
玩下夾仔好快就返到香港了，今次逸逸戒片後的第一次旅行非常順利，沒有瀨尿，完滿結束，不枉恆仔出發前買左大量麵包超人大貼紙鼓勵逸逸。