三日兩夜澳門遊 – DAY 1 – 坤記餐室‧禮記雪糕‧HAVE A GOOD SNAP

二零一九年八月九日(星期五)

今年恆仔的生日在星期五,計劃慶祝活動的時候諗過三日兩夜其實可以飛一趟,不過暑假機票很貴,又會好匆忙;又諗過坐高鐵去桂林,原來高鐵直達的班次一早FULL晒;之後又諗不如去恆仔最鍾意的澳門,在澳門住兩晚悠悠閒閒的應該也不錯,皇都酒店住兩晚的價格還可以接受,都未諗到去澳門做乜好就決定澳門GO GO GO。

近期逸逸最喜歡的卡通片是麵包超人,而今次受寵幸可以同我地一齊去澳門的就是細菌小子,唔通真係男人不壞女人不愛?

我地今次都係屯門碼頭出發搭船出發去澳門,不經不覺原來已經連續三年暑假去澳門,每年都要在海趣坊的SUMMER DECORATION影番張相。

今次買船票有二人同行優惠,結果我們兩個張船票仲便宜過逸逸的小童票。

一上船逸逸首先就話依隻船無得餵魚,然後就坐飛機MODE啟動話要玩夾夾,每次玩夾夾同時也是英語會話時間,逸逸會主動叫我講英文。

逸:THIS IS FOOD PANDA。看來我們叫外賣也叫得太厲害了。

出發前買了上網咭,點知依張係古惑的咭,要SCAN QR CODE先搵到APN SETTING,但我就係上唔到網先要用上網咭嘛⋯⋯

唔知係好彩定唔好彩,我地買船飛送左兩張兩天的上網咭,於是立即轉用贈品上網咭先。

到左澳門,就乘搭酒店接駁車去我們已經住過N次的皇都酒店。到達酒店時雖然只是1:45PM,已可以安排到房間給我們(旁邊的旅客要3PM才有房),還要UPGRADE了行政樓層,而行政樓層的禮遇就是免費MINI-BAR。

玩LEE埋

要出發去食午餐了,當然首選就是近近地的坤記餐室了。

1918年開業坤記餐室與皇都酒店是可步行距離,我們第一次來是五年前,今天已經晉身成為百年老店了。

我們點了1/4隻燒雞配薯仔

上次食過番尋味的葡式免治豬肉炒薯粒飯

仲有今次恆仔最欣賞的燒豬扒

樣樣都幾好食,不過味道比較HEAVY,食下辣椒PICKLES 清新一下口腔真係唔錯。

至於逸逸的最愛就是脆脆麵包,自己食左一個。

去澳門一定要飲葡萄牙汽水

逸逸無野飲點算?店員向我們推介了羅漢果茶,我個人覺得好清甜,但逸逸話:「我覺得依個麻麻」最後情願飲水。

食完午餐就轉場去隔離禮記食雪糕,係出發之前恆仔已經不停同逸逸講食雪糕三文治,所以鍾意食雪糕的逸逸一直非常期待。

因為今日是星期五的關係,客人唔太多。

乜依家係禮記有得食LADY M千層蛋糕?唔係,只係去澳門LADY M有得食禮記雪糕啫。

恆仔食雪糕三文治,我要了至愛的禮記芋頭雪糕,無義氣的逸逸拋棄了雪糕三文治㨂了士多啤梨雪糕。

睇下食得幾滋味,我地芋頭雪糕是一貫的好味道,反而雪糕三文治的餅皮有點濕,不及早前我們在北海道便利店買的蜜瓜雪糕三文治咁好食。

食飽飽就返房午睡,瞓左差不多兩個鐘,瞓醒又係時候出發去食晚飯了。

Comments

comments

發表迴響

你的電子郵件位址並不會被公開。 必要欄位標記為 *