夏之北海道 – DAY 4 – 函館 – 舊英國領事館玫瑰園‧幸運小丑漢堡

本來元町散策的最後一站是去舊英國領事館HIGH TEA,但當3:15PM才吃完午餐,3:50PM再食左蜜瓜包夾雪糕,4:40PM係無可能食得落HIGH TEA,但點都去行下。

舊英國領事館,現在是函館港開放的歷史紀念館,參觀紀念館要入場費,但館後一片種滿各式玫瑰花的英式庭園就可以自由參觀。

我們來對了季節,玫瑰庭園玫瑰滿開,好靚~

逸逸都同玫瑰花影番張人比花嬌~

不過對於逸逸來說,玫瑰花完全不是重點,在這兒最讓她開心的一定是有一個闊落的空間跑來跑去。

可以捐山窿

又有噴水池睇水水

睇下笑得幾開心

爸爸媽媽輪流陪她一齊跑,跑得好盡興。

自由奔放MODE

之後我地都入左去建築物逛了紀念品店,入面有各式和英國有關的紀念品,例如英式風格的瓷器,同埋好靚的PADDINGTON BEAR產品。

沒有睡午覺又跑了很多的逸逸已經好累,今天我們的行程也告一段落,就搭電車返酒店。

酒店LOBBY原來有個提供免費飲品的LIVING LOBBY,環境好舒服,咖啡好有水準,我都拎左杯返房飲。

眼瞓的逸逸回到房間就倒頭大睡,由6:00PM瞓到8:30PM……

起身時都係瞓唔夠,一直KEEP住喊收唔到聲HANG左機咁。因為今日打算到酒店隔離街的幸運小丑吃漢堡,已經諗過派恆仔出去買外賣回來,半喊半醒狀態的逸逸又話要一齊去……

幸運小丑是函館的名店,被日本人票選為「全日本最好吃的漢堡」,只在函館有分店,分店有十多家,梗有一間係左梗。

我們去的時候人也蠻多,恆仔抱住情緒不穩的逸逸先找座位坐下,我就排隊點餐。到我買食物的時候,店員問我多少人用餐,我答三個,她再問其他人在什麼地方,我指指座位,她就責罵我不應先找座位而是一起排隊買好食物再入座。

雖然我略懂少少日文,但當成個COUNTER貼滿各式各樣的POSTER的時候,我連看餐牌也看到頭昏腦脹,真的找不到任何有關先排隊再入座的告示,加上這是最近函館站的分店,不知規矩的遊客一定很多,好聲好氣的告訴我就可以了,何必黑晒臉責罵我呢?

我點餐的時候店員好像很有把握,完全沒有覆述我的ORDER,結果落漏了一個包,我又要從頭排一次隊,排到一半逸逸扭計大哭一定要我抱,那一刻真的有點崩潰。

我們點了兩個人氣推介中華雞腿堡,其中一個轉了SET配芝士薯條和烏龍茶,因為看介紹中華雞腿堡的醬汁有點辣,我另外單點了一個人氣蛋堡俾逸逸。

不過,逸逸越來越扭計,甚至要輪流抱她到街外讓她冷靜以免吵到別人,結果我們三爬兩撥的食完個都幾好食的芝士薯條就拎走d包返酒店。

回酒店之前去左便利店買燒雞串,點知買錯了燒雞皮,係油膩左少少,同埋唔熱,不過難得都幾好食。

逸逸返到酒店就冷靜左落黎變返可愛小天使,但係包包已經唔係最好食的狀態,所以成個用餐經驗難以給予幸運小丑正評。

至於依杯係便利店買的西瓜SMOOTHIE就超讚

食完晚餐又浸浴,今晚用了黃色的泡澡劑,好開心呀!

Comments

comments

2 則迴響於《夏之北海道 – DAY 4 – 函館 – 舊英國領事館玫瑰園‧幸運小丑漢堡

  1. 食漢堡既過程聽落都覺得辛苦,早知一早買take away啦~捱多一陣,曉而家都好少瞓醒hang機了,即使一日只瞓幾分鐘都捱得到夜晚~

    • 你繼續睇落去就發現明天以及後天都有一次大規模大哭發脾氣,估計都是因為去旅行太開心,唔肯休息唔肯坐車仔我地又唔抱,搞到太累又休息唔夠,之後適應左又肯坐車仔就每一日都係可愛小天使。

發表迴響

你的電子郵件位址並不會被公開。 必要欄位標記為 *