一出到接機大堂～
我地就見到逸逸近期的最愛：多啦A夢呀！
影完多啦A夢，我們向著JR站前進，點知依一條又長又直的路，竟然周圍都是影相位。
嘩！好Fancy的熊熊小鎮呀！
好精細的設計，熊熊有不同的動作，配合著音樂，每一部分都值得慢慢欣賞。
睇到逸逸入晒神：熊熊爸爸、熊熊媽媽、熊熊BB，睇左好耐都唔捨得走。
數1-10再拜拜都無效，唯有用坐行李車車吸引逸逸繼續前進。
點知除左熊熊小鎮之外，兩旁仲有超級多巨形動物毛公仔。
睇極都仲有
真係好誇張
我都忍唔住要停低同我最愛的企鵝影番張相。
原來依個叫做STEIFF DISCOVERY WALK，是一個體感式博物館，展品全部都是STEIFF公司生產的公仔。其實我地仲見到有個放滿公仔的兒童遊戲區，可以盡情攬攬抱抱，我地唔敢指俾逸逸睇，如果唔係有排都唔駛走。
又見到多啦A夢，因為我們來到國內線航廈的美食專區。每次來日本都遇到一個問題，就是總會在香港機場吃一頓早餐，上飛機再吃第二頓早餐，之後就無野食，辦好入境手續拎行李搭車出到市區已經5:00PM，然後非常肚餓唔知食TEA好定EARLY DINNER好，所以今次決定離開機場前食個下午茶先。
我們選了宮越屋珈琲，後來在札幌站也見到宅的分店，原來宮越屋珈琲也算是北海道居民人人都聽過的代表性咖啡店之一。
一坐下就為我們大人提供冰水，也給逸逸提供室溫水，結果逸逸一直在搶我們的冰水來喝。
我們點了一份兩款的POUND CAKE SET，我特別喜歡紅茶口味的蛋糕。
套餐配一杯飲品，我當然要試試這兒的咖啡。我想說，這杯咖啡超好飲，平日的我喝咖啡總是起碼要加糖或加奶配著飲，但這杯咖啡不用加糖也不用加奶，可以單純地品嚐咖啡的味道。
另外我們也點了一份多士，外脆內軟散發住牛油的香氣，直情覺得有成個人溶化係多士入面的感覺。
加了柚子醬又有另一種層次的味道，點解日本的麵包可以咁好食架。
我們另外單點了一杯蘋果汁讓恆仔和逸逸分享，可能味道沒有什麼特別的關係，逸逸一直沉迷在搶我們的冰水飲。
去日本旅行落左飛機先食個TEA再落市區絕對是一個絕佳的選擇，下次再去日本都要作這樣的安排。