屯門V CITY對面開了一家叫做GREEN COMMON的餐廳，大大的寫住未來漢堡、新豬肉等宣傳字句，令我每次經過都覺得非常好奇究竟是特別的養殖方法還是可持續肉類之類的東西。
終於有一個晚上來了試試，原來是素食餐廳，立即覺得沒有那麼特別。
我們點了一客未來漢堡咖哩飯，咖哩汁頗香，不過一吃就覺得肉類的像真度不高，絕對不可能做到代替品的地位，如果這是未來漢堡的話，就是因為我們再也沒有肉吃了。
至於新豬肉椰菜煎餃，因為沒有濃濃的汁料，更加覺得豆味很濃。
日式雜菜野菌炒烏冬是最單純的素菜，也是最美味的一道料理，所以我幾時都話最唔鍾意扮肉的素菜。
不過這家餐廳食物的份量都好細，逸逸自己差不多食晒成碟烏冬，還大讚好味道添！不過恆仔和我就食唔飽，要去隔離食燒賣。
其實我們還點了飲品，我的豆奶咖啡也不錯。
逸逸的芒果萍果冷壓果汁也很美味，至於恆仔的檸檬茶就是一般的檸檬茶喇！
之前電視有睇過講啲實驗室漢堡，製作時甚至追求埋肉類一絲絲既質感，好似好勁咁，唔知Green Common有冇用嗰個級數既假肉，day成日都話想試下，我成日都話唔想試，要食齋就食真齋~
咩級數就唔知，但係其實都係唔似肉囉，我同你一樣，都覺得食齋就食真齋。
早兩日我們又經過GREEN COMMON，逸逸話不如下次食依度呀，恆仔答好不過答得好為難，哈哈……