曉曉話咁快就三歲，要買小童車票，要有自己的八達通了﹗
今年阿妹揀左一家在屯門工廈的PARTY HOUSE為曉曉舉辦生日會，就在輕鐵石排站對面，交通非常方便。
PARTY HOUSE入面地方都好闊落，而且玩意很多，小朋友都玩得不亦樂乎。
逸逸上一次玩鞦韆是在台北的大樹先生的家，當時驚得黎又覺得好刺激，依家再大個左就淡定得多，唔再驚驚了。
滑梯有兩款，曉曉玩緊的高級版超級滑，而且因為有波浪的關係，落到黎會成個瞓係地，所以逸逸只係玩BB版。
同曉曉表姐同埋表姐的同學仔一齊搖搖搖~
女孩子喜歡的廚房、收銀機…
男孩子鍾意的停車場…
小BB鍾意的座椅，坐上去隔離枱燈會著同埋發出音樂架。
仲有連大人都鍾意的氣墊球機
愷揚最鍾意玩電動車，駕駛技術唔錯﹗印象中好似MANDY話無端端屋企點會有電動車，我話只要你有傻的朋友就會送部電動車俾你個仔，因為我即時諗起當年揀左架電動車送俾謙謙的事…
逸逸都玩車車，不過係人力車。以前遇上過好多次依類型的車仔逸逸都無興趣玩，但係今日超鍾意，而且好多人都推過佢，除左相片入面的曉曉表姐之外，仲有媽媽、婆婆、曉曉表姐的爺爺以及DAY姨丈，幾巴閉﹗
另一個超級鍾意的地方就當然是波波池了，雖然沒有大樹先生的家個波波池咁大，但係因為沒有不認識的人，所以可以玩得更盡興。
詩詩會唔會好悶？唔會喇，有姑媽陪玩呀嘛~
唔想玩又可以坐係梳化傾下計
開餐喇~個生日蛋糕係曉曉自己揀的藍莓芝士撻，BIRTHDAY GIRL生日快樂。之前阿妹成日同曉曉講抱到3歲就唔再抱，曉曉話生日願望係爸爸抱佢抱到9歲喎，阿DAY加油呀﹗
小朋友乖乖坐低食野，不過逸逸個心其實掛住玩唔想食，我都覺得有個咁好既PLAY HOUSE應該要盡情玩，食正餐太浪費時間，哈哈~
食飽之後又再波波池大混戰
之後逸逸堅守依家車車，到影大合照都唔肯落車，因為成朝都無瞓過覺又勁放電，已經玩得太累，無晒理智喇~
曉曉，生日大快樂﹗