今年想逛年宵市場一波三折。
本來一心年廿四(星期五)晚出荃灣逛花市，去到先知原來花市年廿五先至開；年廿五夜晚去食詩詩滿月飯，不如吃過午飯去逛屯門花市，點知逸逸在吃午飯時倒瀉果汁，攪到連襪和鞋都濕晒，唯有返屋企換衫；結果在別無選擇之下在年廿七放工後去屯門花市湊一湊熱鬧。
到左屯門花市喇，睇落佈置得幾有氣氛喎~
去年逸逸太小不敢去花市，今年可以來個初體驗，再大個一點才衝出屯門吧﹗
不過其實屯門花市規模很細，乾貨一點也不吸引，不過叫做逛下，順便買少少年花應節。
今年我地買左風信子，對上一次買風信子當年花是婚後第一個農曆新年，已經是十年前的事了。
開花靚靚，風信子不時都吸引住逸逸的目光，主動要求睇睇同摸摸架﹗