今日逸逸去健康院打1歲針，首先例牌先去磅重，叫名時姑娘會話xxxBB、xxx小朋友，而叫逸逸是楊逸小朋友，果然滿1歲就不再是BB了。
入到去爸爸媽媽快手快腳幫逸逸脫光光淨番條乾淨尿片之際，突然發現原來1歲以上的小朋友可以著薄衫，無端端俾其他人睇晒添！依家逸逸重8.38kg，由生長線10 percentile上番25 percentile，證明加固都唔錯。
之後去見姑娘，姑娘問左一D逸逸的日常生活細節，現在三固三奶的逸逸要轉五固，要食少D奶奶，另外又要戒奶睡，對逸逸來說應該好痛苦，所以我都睇情況未必咁聽話。姑娘俾星星餅叫逸逸拎，但因為逸逸幾次都用3隻或以上的手指拎，小肌肉的發展要監察住，所以14個月大時要再來拎過星星餅。另外，我們同姑娘講左有關逸逸頭部慣性儩埋一邊的情況，姑娘幫我們安排見醫生。
下一站是打針，今次要打三支針，分別是第一次麻疹、流行性腮腺炎及德國麻疹混合疫苗、肺炎球菌疫苗加強劑以及第一次水痘疫苗，都未打針只係捉住她已經哭得非常淒厲了。好彩出到黎奶奶左一陣，又不停在健康院行行滿場飛之後心情就轉好了。
又等左一輪先至見到醫生，醫生檢查後暫時未有什麼發現，轉介左去睇眼科、骨科同埋物理治癒，逸逸經歷左打針同埋和醫生搏鬥之後，只能用「身心俱疲」四個字來形容，希望今次打針的反應輕微D喇！