去年的中秋節，逸逸還在我的肚子裏，今年終於可以JOIN埋我地一齊去賞月喇~
晚上去左公公婆婆屋企食飯做節
逸逸剛剛打左1歲針，發燒仲未退，第一次用退熱貼等佢舒服D~
我地出發去賞月喇~逸逸今年有好多個燈籠，爸爸拎住的是媽媽揀的彩色玻璃紙兔兔燈籠，媽媽和曉曉表姐手上拎住的是公公婆婆送俾兩個孫的燈籠。
一家八口浩浩蕩蕩的出發
行左出去青山灣賞月
大家都欣賞下又大又光的月亮，雖然逸逸暫時未搵到FOCUS未識欣賞，不過一家人共聚的時光才是最重要的。
除了前面提及媽媽和公公婆婆送俾逸逸燈籠之外，逸逸還有另外兩個新燈籠：
文姨送的MINNIE燈籠，因為SIZE太大的原故，我們沒有帶過出街，拆左個燈成為逸逸日常的玩具，下年中秋可以裝番個燈再拎出去玩。
依個係嫲嫲送的HELLO KITTY燈籠，入左電除左發光之外，仲會自己郁同埋響音樂，不過因為聲音太大同埋無得調較音量，所以俾爸爸滅左聲，同埋都係因為SIZE太大的原故，成為了普通玩具。