隨住逸逸埋身越來越叻，在她3個月大開始已經是番工食泵奶+奶粉，放假就全埋身。4個月大開始食番夜奶，本來老公諗住佢幫手餵奶粉等我好好休息，但逸逸爆喊一定要埋身，鍛鍊出佢有佢食我有我瞓的絕技，爸爸又唔駛三更半夜爬起身，皆大歡喜。
因為我在泵奶方面從來都是超窮媽，離夠食差好遠，所以完全無追奶的壓力，有幾多食幾多就算。公司有時工作太忙，完全唔泵只要放工立即俾逸逸埋身都頂得住，最多食番兩粒卵磷脂打個底以免塞奶。
放假全埋身逸逸又無投訴話唔夠食，去街去行山去旅行都超級方便，一條餵奶巾走天下，去到邊食到邊。加固之後，有時逸逸唔舒服唔肯食粥唔肯食奶粉的時候，點都俾面媽媽肯埋下身，簡單黎講人奶路唔再艱辛，逸逸想食幾耐媽媽奶對我黎講都無乜壓力了。
對我唯一最大的影響就是禁酒令未能撤銷吧！