逸逸今日去健康院見姑娘同埋打兩個月針。
逸逸依家重4.56kg，重量和頭圍繼續保持係25 percentile的生長線，今次第一次度身高，逸逸有58.5cm高，竟然跟頭圍和體重不一樣，達到90 percentile的生長線呢。今次逸逸終於不用脫光光可以著住條乾淨片磅重，果然大個女了。
見姑娘時都係問番逸逸的生活常規，同埋講解一陣打針的副作用，媽媽趁機問左肚臍黑色、眼睛有時望野鬥雞眼同埋左眼眼屎的問題，姑娘話頭兩樣都無正常，但持續眼屎就Refer我地去見醫生。最後姑娘幫逸逸檢查埋雙腳的發展，叮囑媽媽俾多D奶奶逸逸食同埋買D摇鈴式的玩具給逸逸玩就完成了。
之後去打針，今次要打兩枝針，分別是白喉、破傷風、無細胞型百日咳及滅活小兒麻痺混合疫苗以及肺炎球菌疫苗，打完一隻大脾再打另一隻，喊到成塊面紅晒，之後一直都心情低落Keep住要抱，慘慘豬。今次枝針有機會發燒，健康院都俾定退燒藥看門口。
最後去見醫生，醫生俾左眼藥水逸逸滴，但因為都同淚管太窄有關，滴左藥會好轉但都未必能解決晒D問題，除非到左一歲大都未OK先會轉介專科，希望大個D就無事喇~
———————————————————————————————————-
後記一：
打完針當晚有少少發燒，食左一次退燒藥就無事，不過第二日勁痴身，有如驚弓之鳥，好彩抱左一日就恢復正常。
後記二：
就逸逸眼屎的問題，本來我地諗住等打針的反應過左之後先開始同佢滴，點知過兩日就不藥而愈，果然是初生嬰兒發育未完全的問題，慢慢長大了就會自然好。