我今日兩個月大了！
我最鐘意的是抱抱，此外，我都好鐘意睇掛係床仔表舅父送的轉轉轉同埋爸爸架車上面掛住的刺蝟先生，另外爸爸媽媽買給我的Hello Kitty玩具，我都可以拎得好實了。不過，講到最Funny的一定是媽媽摸我的下巴，每次我都忍唔住大笑。
我覺得自己大個囡了，同大人一樣日頭活動，夜晚先至瞓覺，媽媽都讚我叻叻咁快就唔駛食夜奶，可以由11pm瞓到6am，奶奶完再瞓到9am，但係佢話咁細個BB日頭都要瞓下覺喎，咁我真係唔想瞓嘛～
食野方面，我最鐘意仍然是媽媽奶，臨瞓啜啜是我最大的享受，不過近日發現了媽媽奶以外的美食，就係我的手手，媽媽投訴我夜晚食手食到Jap Jap聲好嘈，爸爸則成日問我駛唔駛加調味料喎！
每個細微的改變都是成長的標記，尤其頭半年，進步真的很明顯，逸逸對外在環境的興趣也愈來愈大了。
每天全日都跟她一起就很容易察覺，希望上班後也不會錯過太多。