近日最令我感到煩厭的電視廣告，首推香港寬頻大唱豈有此理的廣告。
此廣告主要賣點是這個年代不應再用電話線上寬頻，不斷重唱”豈有此理”去揶揄其他供應商。不過，它那句重覆又重覆的唱著”豈有此理”真的豈有此理，煩得要命，每次聽到都很想立即將電視關上。
此外，這廣告已經荼毒了小孩子。昨天我在旺角地鐵站就見到一個大約八九歲的小孩子不斷高唱”豈有此理”超過十分鐘，他的媽媽又沒有阻止，我就剛走在他的旁邊，真的很想走上前掩住他的嘴巴。
救命啊﹗我快要被煩死了…
透過跟大家分享每天的生活，學習從小處中享受生活的樂趣。
我昨天坐巴士時，竟然看見有一個年約五、六歲的「塞豆窿」在巴士高歌一曲「豈有此理」
而我還要坐在他的前面呀！真的活受罪耶！
[版主回覆06/10/2008 20:33:00]HAHA…搞到好似無端端俾人鬧咁…真係無奈呢…
個手法好唔得, 針住打壓.
[版主回覆06/01/2008 23:32:00]係喇…非常不討好的做法…
吾只連細佬仔…就連係我公司隔離裝修工人都係到唱…一大班男人..一路開工一到唱…真係吹賬~
[版主回覆06/01/2008 16:07:00]下？唔係卦…咁咪好搞笑？
哈，呢個廣告成功o既地方，係佢o既「豈有此理」吸引到我o既注意，但失敗o既地方係，我唔知佢係咩公司賣緊廣告﹗
唉，我都好怕D傳媒荼毒小朋友，令我諗起當年o既「韋小寶」電視劇，唔記得係陳小春o個齣定張衛健o個齣，因為韋小寶要講粗口家嘛，咁粗口唔出得街，咁編劇就安排o左佢講「你阿爺丫﹗」o黎代替，跟住o個陣周街D細路都係度講…做傳媒真係要好小心﹗對小朋友影響力太大了~
[版主回覆05/31/2008 10:26:00]小朋友覺得咩得意就會不斷咁重覆又重覆…即係等如早兩年周街既小朋友不論男女都係度跳"nami nami"
以批評別人來抬高自己，始終不是高明的辦法。那個廣告除了惹人厭煩外，更是毫無美感。其實，不把對手放在眼內的廣告才叫高招呢！
[版主回覆05/31/2008 00:28:00]因為對手確確實實生意是做得比它多嘛…怎能做到不把對手放在眼內的境界呢？