恆仔同事早前送他一張富豪酒店自助餐DISCOUNT COUPON,由於我一向很喜歡富豪機場酒店的BUFFET,甚至有一年在那兒慶祝生日,於是昨天放工後特地入機場一趟,結果卻換來一肚子氣。
原本恆仔訂了枱7:00PM,我因為工作關係遲遲未能離開,結果8:15PM才到達餐廳。進入餐廳聽到的第一句話,竟然是:”嘩﹗你地都遲到成個半鐘喎﹗你張枱一早俾左第二個喇。”當他領我們到一張枱之後還要補充一句:”這張枱是第一輪客人已吃飽離開的了﹗”
我聽了真的很生氣。來吃自助餐,有誰想這麼晚才來?當然是迫不得已的吧﹗而且既然這一刻你有枱給我們,只要隨便說一句:”咁晏既?”就夠了吧﹗何必說這些難聽的說話責怪我們呢?
食物質素跟以前也很不一樣。魚生未有好好解凍,好像吃冰一樣;沙律款式少,沒什麼選擇,頭盤最好吃的可算是煙三文魚了;熱盤不合胃口,一是外觀不吸引,吸引的則用我不吃的食物烹調;印度咖喱配飯已覺太濕,配餅更加不可想像;甜品款色極少又不漂亮,有一些狀似啫喱的甜品出晒水,蛋糕沒有預先切好一件件,看到已不想吃;當中我吃過最好吃的是香蕉蛋糕,但恆仔再拿另一件的時候,味道已大打折扣,口感黏黏的,明顯食物水準極不穩定。我一向很少吃自助餐時吃水果,但因為不太飽肚的關係也想吃一點點,但西瓜是白的,菠蘿是黑的,完全引不起食慾。
結果,忍不住在鴻福堂買了糖水回家吃。
看來由經理、廚房到侍應都出了問題,才會糟到這個地步!
[版主回覆12/22/2009 22:28:00]好彩之後連續兩晚都食到美味既自助餐~
只係都會海逸, 北角海逸同天水圍海逸……no good!
[版主回覆12/13/2009 22:01:00]價錢都差好遠喇~
真係火喎….咁過份都得…..
[版主回覆12/12/2009 00:35:00]俾佢激一激,食物都會由唔太好食變成非常唔好食喇…
慘~
[版主回覆12/12/2009 00:35:00]所以今日唱K時狂食,食物好味得多,好有滿足感。
睇完你的BLOG後,咁真係好唔得喎! 紅磡都會海逸聽聞都OK的,你有無試過呀!!!
[版主回覆12/11/2009 23:19:00]係呀…都會海逸既BUFFET真係幾正架﹗
富豪任何一間酒店都唔得!
[版主回覆12/11/2009 17:25:00]幾年前我覺得機場個間係OK架…