回到南鯨世界,又是找地方吃午餐的時間,星期日中午的南鯨世界比昨天更加多人,爸爸心目中的客語當然仍然要等位。
逸逸因為已經太疲累,所以大家去搵位時我陪逸逸找了張椅子坐下休息,後來收到消息今天下午我們在79號漁船海鮮飯店吃午飯,非常開心,因為我早在昨天已經被這店的大招牌所吸引。
裝修真係成隻船咁架喎
我們兩姐妹是點菜二人組
點菜的方式有如逛海鮮街,店員會陪在身邊一邊逛一邊協助下單,牌子上會寫上海鮮名稱、價錢以及可選擇的烹調方法。
揀完魚就即刻撈起即刻磅重
人多唔知食乜好可以參考菜單PK大賽獲獎作品
成間餐廳全部都係貴賓房,自成一角,而且環境非常舒服。
為小朋友和胡家女婿點了西瓜汁,另外點了兩罐啤酒就係胡氏一家四口享用,點解罐啤酒咁細既?要叫幾多罐先夠?
先上店家贈送的生果盤
貴賓房的牆上貼了不同的告示,其中一個是:
船長親示您
親愛的
帶酒來沒關係的
我家不收開瓶費
於是我地即刻去咗KKV買咗三枝酒。
上菜喇~
百香果蒸九頭鮑 – 鮑魚煮得好嫩,和酸酸甜甜的百香果很搭
椒鹽九肚魚 – 脆漿又薄又脆,超級好食,是我今天的第一名﹗我一向都鍾意食九肚魚,但真係未食過咁好食的,而且最難得係連逸逸都食呀嘛~
白焯南澳火箭魷魚配蔥絲醬油 – 只是白焯,加了蔥油已經超級鮮甜而且嫩滑,以簡單的方法引出其鮮味,係恆仔今日的NO. 1。
三叔烤台山大對蝦 – 肉質彈牙而且好惹味,最神奇的是平日唔食蝦的逸逸自己食咗一隻。
漁夫蒸老虎斑和蒜茸粉絲蒸扇貝雖然沒有驚艷,但也是水準之作,蒸得恰到好處。
兩款蔬菜分別是杜阮涼瓜煲以及蒜蓉炒白菜苗
主食則點了79蝦蟹粥、79海鮮炒麵以及圳品海膽生煎包,又係好好食,逸逸又竟然食咗一隻海膽生煎包。
今次絕對係逸逸自出生以來,食海鮮餐食得最多海鮮的一次。
我們買的花酿、桑葚酒以及青梅酒全部飲清光~
依餐飯真係價廉物美,埋單不用1200人民幣,仲平過係同一晚返香港係美心皇宮食家常菜晚餐。
大家食飽飽都好滿足咁係海鮮檔拍照留念。