其實超級任天堂世界入面除了MARIO KART: KOOPA’S CHALLENGE同埋YOSHI’S ADVENTURE兩大遊戲之外,仲可以買POWER-UP能量手環在園區各處玩小遊戲。
POWER-UP能量手環現有Mario、Luigi、碧姬公主、黛西公主、Yoshi同埋奇諾比奧六款可供選擇,透過連動USJ的官方APP,戴上手環後就可以透敲問號磚而收集金幣和獎章,仲會發出大家熟悉的聲響。另外,手環還可以在園區內玩遊戲收集鑰匙,集滿三把鑰匙後就可以進入最終決戰:挑戰庫巴 Jr.。不過這些挑戰的位置經常都大排長龍,恐怕要花一整天在超級任天堂世界才可以完成挑戰。
時間有限的我們當然沒有購入手環,可以扮敲磚但係無聲無反應,逸逸係有啲失望架~
碧姬公主點可以唔係城堡前面留影?
突然見到奇諾比奧的出現
逸逸怕怕醜醜好想摸下奇諾比奧又唔敢
當碧姬公主遇上奇諾比奧,只要對上了眼,行埋去伸隻手出嚟就拖住咗喇~
一不離二,二不離三,反正都排咗咁耐隊,唔爭在玩埋YOSHI’S ADVENTURE。
根據APP的顯示排隊時間為60分鐘
YOSHI’S ADVENTURE的佈置係呈可愛風,入面都有啲位係可以用POWER UP手環收集金幣,逸逸又係無得玩。
雖然排隊時間無MARIO KART: KOOPA’S CHALLENGE咁耐,但因為相對排隊位無咁多DETAIL位可以發掘,反而感覺好似等得仲耐。
出發喇~終於可以坐住YOSHI去冒險喇~
YOSHI’S ADVENTURE係小朋友遊戲,不過坐上去可以從另一角度欣賞園區都唔錯,
今次我地的任務係搵返晒紅色、綠色同埋藍色三隻蛋,逸逸玩得興緻勃勃,我感受到佢覺得比MARIO KART更加有趣﹗
其實睇返相我係影晒三隻蛋架,不過當時我確實係俾MARIO BB佢地吸引咗而無留意到卡美克下面的藍色蛋,逸逸話佢搵到晒,下次要陪我坐幫我手搵。
我都好想跳上去拎金幣
最後總共花咗50分鐘玩完YOSHI’S ADVENTURE。
依個時候已經3:08PM,我地之前拎咗奇諾比奧餐廳3:30PM的入場券,逛多一陣就可以坐低休息一下食下午茶,我地入去1 UP FACTORY逛下紀念品店。
終於同碧姬公主對上眼成功SAY HELLO了﹗
我們大約3:25PM就入餐廳了,原來都要排隊買食物。
我們其實唔太肚餓,主要係好想飲嘢同埋坐低休息一下,所以沒有選主食,主攻甜品。
大約15分鐘就完成排隊點餐,領取飲品之後就有職員引領我們入座了。
嘩~奇諾比奧餐廳入面真係好靚~
都話我地係飲嘢為主,所以一人點了一杯飲品,嘩!每隻杯都唔同款。我點的咖啡和恆仔點的可樂都沒有什麼特別,逸逸的飲品叫做SUPER STAR LEMON SQUASH,係檸蜜汽水,入面有星星啫喱架﹗
我們坐在窗戶旁邊,可以透過窗戶見到磨菇們忙碌地在廚房工作
佢地真係好搞笑架
對面的窗戶是室外的景色,KOOPA飛船駕到周圍會變暗架﹗
食物上桌了,職員教我們擺晒POSE影氣氛相~
? BLOCK TIRAMISU
GOAL POLE CAKE
食物造型好靚,味道都唔錯,覺得今次誤打誤撞之下有機會係度食個下午茶真係好幸福呀﹗