二零二三年八月二十日(星期日)
逸逸昨晚好厲害，不但不用陪瞓，仲一覺瞓到大天光，勁！
繼續約好8點一起吃早餐，因為昨天的戲言，今早曉曉和逸逸約好了要飲蘋果溝橙汁，聽講話味道唔錯喎～
昨晚打邊爐見到人地食鴨血好想食，不過已經太飽沒有吃，今天早餐桌上其中一盤熱盆竟然係鴨血，太知我心意了吧！
水果麥皮實在太好味，今日再來一杯，另外CREAMCHEESE麥包都好正﹗
三個小朋友係餐廳的PLAY AREA玩到唔捨得走，於是DAY睇住佢地係度玩，我地其他人就先返房執行李。
執行李的時候，恆仔突然之間爬咗上去個籠到，原來佢要體驗一下個滑梯，佢話真係滑得好快﹗平日依啲嘢通常我同阿妹都係第一個做，不過自從係沖繩陪逸逸玩遊樂場時受傷之後，對於為兒童而設的設施多了誡心。當恆仔講埋原來DAY昨日已經試咗，就決定唔理點都要試下，條滑梯真係幾直下，滑得好快。
如果CHECK IN之前無機會同房入面的滑梯告別，逸逸一定會好傷心，所以我叫佢地返上嚟玩多一陣，妹妹聽到大家都試咗個滑梯當然也唔會錯過，於是除咗爸爸媽媽，大家都試過喇~
在酒店大堂寄存好行李就出發今天的行程，第一個挑戰係CALL三架滴滴，所以大家坐陣先~
爸爸媽媽妹妹一家都分別順利上車之後，唔知點解恆仔CALL的第一架車好似搞錯我地的位置，最後取消咗我地的CALL，到CALL第二架先成功上車。上車後司機首先問我地電話號碼最後4個數字，我地點可能記得，忙亂之間總算成功確認到號碼。司機見我地手忙腳亂就知係滴滴新手，一聽我們的口音就知道我們是香港人，於是除了同我地傾下計之外，仲幫我地上咗一堂滴滴打車101，例如上車前要預備好對應密碼，CALL長途車要揀特惠快車等等……
好快就來到我們今天的目的地光明虹橋公園。
YEAH~
大草地上面有一隻兔仔，前面有三隻小兔仔~
後來兔仔越來越多……
三個參觀完洗手間的小女孩
唔知依座紅色的建築物係乜嘢嚟？上去睇下先~
原來係虹‧自然教育中心
地下有介紹光明虹橋公園的展板
又係螺旋形樓梯
這兒是「森書屋」，是以自然、森林、生態、環保為主題的光明區圖書館特色分館。
環境好舒服，小朋友話最重要係有冷氣~
坐係度睇書，又望下窗外的綠色植物，真係好舒服~
再上一層有咩睇？逸逸同詩詩可以答你：無嘢睇﹗
今天啡一個，依度仲有自助咖啡售賣機，可以邊嘆啡邊嘆書~
仲有好多打咭位
睇緊書都唔會錯過鏡頭架~