大約10:55AM，我們來到欣賞11AM關始NO LIMIT遊行的現場。
看到地上貼上NO LIMIT! PARADE的貼紙就知道是遊行途經的路線了。
我們大約是在綠色3號位置，MEL’S DRIVE IN的斜對面。
成功佔到第一排的位置，未開始之前先坐下來休息。
PARADE開始了﹗
打頭陣是NO LIMIT的花車
每一個演藝人員都有開朗燦爛的笑容
首先是HELLO KITTY的花車，與DEAR DANIEL一齊登場，不過一向唔太喜歡長腿版HELLO KITTY，還是五個蘋果咁高的她比較可愛。
後面的應該就是HELLO KITTY的雙胞胎妹妹MIMMY了。
下一架是SNOOPY花車，有查查、LUCY同埋SNOOPY~
第三架係小黃人花車，焦點當然落在擔當壞蛋角色但係其實一點也不壞的GRU犀利哥身上。
之後係UNIVERSAL STUDIO經典之中經典芝麻街
下一架車是我們不認識的《聲夢動物園》，這是一套2016年上映的卡通片，講述經營劇場的樹熊為了挽救劇場免於關門大吉，決定舉辦一場全世界最盛大的歌唱選秀大賽，而這項活動也為許多參賽者帶來意想不到的變化……
剛剛從NETFLIX下載了這套電影，找天有時間要看看。
來到MARIO成員出場了﹗
打頭陣的是YOSHI
接住落嚟係逸逸最鍾意碧姬公主
小FANS高興的同碧姬揮手
之後是LUIGI
仲有一系列人扮的食人花、慢慢龜、碎碎龜、BIRDO CATHERINE……
睇下依朵食人花幾活潑
MARIO出場喇﹗同佢一齊仲有KOOPA同埋奇諾比奧……
車身上面仲有金幣、星星、墨魚、炮彈、龜殼、太陽花、蕉皮、變身羽毛、回力標，所有MARIO 世界入面的東西都全部出現了﹗
壓軸的是寵物小精靈系列
我淨係識得比卡超咋~精靈球都識既，因為曾經香港好流行周街玩捉精靈遊戲嘛~
遊行告一段落我地就直接過對面的MEL’S DRIVE IN打算吃午餐。
大家都睇完遊行過來，所以排隊買食物的人非常多，不過出奇的沒有等很久，大約15分鐘已經買到食物，香港迪士尼真係要檢討一下。
我們又出奇的幸運，好快就搵到位坐低。
枱面有一架應該只是用來裝飾的超復古點唱機
我點了人氣NO. 1 – 辣汁牛油果芝士漢堡，恆仔則點了最普通的漢堡。
而因病而絕食當中的逸逸就食洋葱圈、薯條同埋少少麵包。
仲點咗個BROWNIE做甜品添~
食物整體都唔錯，而且因為兌換率低的關係，以主題樂園的消費來說，這頓午餐的價錢仲非常實惠添~