離開馬灣消防局，我們就出發去下一站：挪亞方舟。
挪亞方舟就在馬灣消防局的斜對面，不用搭車，過條馬路就到。
這是逸逸第一次來挪亞方舟，我和恆仔則是第二次，不過已經是十二年前的事，除咗隻船同埋方舟花園的動物，已經全部唔同晒。
節目非常豐富，不過很多都要額外收費。
為了遷就午飯時間，導師們先帶大夥兒參觀方舟博覽館。
本來跟爸爸媽媽來的小朋友就跟住爸爸媽媽，如果自己來的就跟住自己班的導師，而逸逸的同學仔就選擇跟住我地一齊玩。
原來依度有動物睇
就快落大雨了，小朋友要幫手將班動物送入方舟。
閃電的效果
不同造型的方舟
將小鳥從泡泡中解救出來
之後我地去咗「珍愛地球館」。
兩個小朋友都無心睇展品，只係不停咁跑、玩同埋笑，都唔知睇咗乜嘢就又去下一站了。
下一站來到兩個小朋友最鍾意的「夢想星球」，這是一個光影互動展館。
森林
海洋
四季景色
大約12:45PM，我們在豐盛閣吃午餐，紅酒燴牛肋貝殼粉好好味。
逸逸出奇的食得好快，果然習慣咗係學校食飯係唔同啲。
餐廳門口影下相，這兒有一個啤啤之友製作室，可以親手整熊仔，做一隻要$180-$320，兩個小朋友本來都好有興趣，不過知道要額外付款之後都好懂事，沒有嚷著要玩。
我地返去行埋「夢想星球」最後一個部份未來城市。
小朋友可以SKETCH YOUR FUTURE，為所選的圖案塗上顏色，然後SCAN入去系統，你的畫就會在未來城市入面出現，結果我們在這兒逗留了40分鐘，兩個小朋友每一個圖案都話要畫一次，畫齊晒跑車、QCar、巴士、直昇機同埋機械人。
為了消磨時間，我同恆仔都玩埋一份。
我的彩紅機械人
恆仔的HULK機械人
跟住又跑返去玩森林、海洋同埋四季，仲要玩到攬實晒~
結果唔計食飯總共係挪亞方舟玩左2小時15分，有1小時15分都是留在《夢想星球》，而當中有40分鐘都係入面的《Sketch your future》畫畫，不過，最緊要小朋友開心就好。
一場來到挪亞方舟，點都要去方舟花園睇下動物~
同埋影下隻方舟
離集合時間還有少少時間，每人$20跳了5分鐘彈床。
同埋去咗玩遊樂場
平時無爸爸抱住唔夠膽自己吊係攀爬架上面，有人陪係唔同啲~
自己都可以做得到
玩動物車仔要俾錢，兩個小朋友話唔係想玩只係想影相，我叫佢地自己問職員可唔可以，佢地又好勇敢去問，成功唔駛錢影相，叻叻﹗
其實挪亞方舟入面有好多展覽我都想慢慢睇，不過今次帶住小朋友，這是她們的暑期活動，當然配合他們的意願，我們下次可以再來慢慢逛。