大約7PM，我們就去吃晚餐。
我們又回來黃昏才來過的VANA NAVA SKY~
VANA NAVA SKY要訂座只能訂室內的座位，外面就只能WALK IN，我們來到的時候還有位置，只是枱的SIZE比較適合飲嘢，不過我都唔理照坐，因為外面的環境實在太正喇。
一人點一杯靚靚飲品，恆仔的是西瓜汁，逸逸的是芒果汁，我的就是加咗酒的100% FRESH PINA COLADA，佢標榜除咗RUM酒之外，其他材料包括椰汁、菠蘿汁甚至糖全部都係天然食材嚟架。
等食物期間我和逸逸出咗去觀景台影相，唔想又著又除鞋套，我地索性除鞋行入去就算了，另外，店員亦幫我們換了另一張較大的桌子，方便用餐。
我們點了三款小食兩個主菜三個人SHARE。
CALAMARI
YAKITORI
DRUNKEN SOFT-SHELL CRAB
根據我的經驗，逸逸應該只有機會吃一點雞串，炸魷魚圈同軟殼蟹應該唔會有興趣，點知試完軟殼蟹之後勁鍾意，仲話點解咁少添﹗
ROMANO PIZZA
FUSILLI CHICKEN – 依一個主菜擺明係叫俾逸逸食，佢亦不負所望差不多一個人食晒成碟。
食完係會自己再加，唔駛幫手。
食物樣樣都好好味，不過唔係太夠飽，所以我地叫多兩個甜品，酒店竟然無蛋糕賣，所以甜品順便當埋係我的生日蛋糕。
CHOCOLATE LAVA – 朱古力心太軟一向係我最愛的甜品之一，仲要裝飾到咁靚，點會唔鍾意？
MANGO STICKY RICE – 真係從來都未見過咁靚既芒果糯米飯架~
I HAVE A WONDERFUL BIRTHDAY TODAY~
今晚美中不足的是有一個外國男人唔知點解成日用好差的眼神望住我們，令我覺得好唔舒服，幸好後來他轉咗入去室內坐。不過，我係唔可以俾依啲不認識的人影響心情架﹗
久違了的去旅行過生日，實在太美好了~