一家九口去露營 – DAY 2 – 美好的早晨

二零二二年十一月二十六日(星期六)

幸好昨晚沒有下大雨,我們的帳篷都安全度過美好的夜晚。

可能因為始終第一次露營的關係,成晚都聽到邱氏姐妹的叫聲,曉曉也一早就起咗身。逸逸瞓得非常好,竟然成晚無醒過。我今次換咗個新枕頭都瞓得好咗好多,GOOD!

今朝要拎我個磨豆器出來,因為我打算炮製即磨咖啡。

即磨真係唔同啲,好香,不過媽媽怕苦,一定要加好多糖同奶。

今天的早餐由爸爸媽媽負責:

兩夫婦合作無間

等食的時候梗係玩喇~

開餐囉~依張枱啱晒小朋友。

今日的早餐是腿蛋治和粟米片,YUM YUM~

一齊食早餐好熱鬧呀~

食完梗係繼續玩,睇下阿DAY帶住班小朋友跑到幾遠。

外面有少少雨,入返帳篷玩UNO。

無乜雨就出返嚟玩波

同埋閃避球

執埋嘢,今次一家九口去露營就完滿結束了。

後記(一):

今次第一次露營落咁大雨,收拾的時候工具都是濕的,返屋企之後的善後工作特別繁重,全部要乾透先可以收返好,平日返屋企拍下佢就可以收埋啲嘢,今次斷斷續續都處理咗成個星期呀﹗

後記(二):

今次係邱氏姐妹第一次露營,佢地都覺得露營好玩,但唔想再落雨露營喎,點算好呢?

Comments

comments

發表迴響

你的電子郵件位址並不會被公開。 必要欄位標記為 *