妹妹和DAY來的時候已開始天黑。
他們快手快腳的起營，我就開始預備今晚BBQ的食物。
我們預訂了兩份優鮮的盛夏特選海鮮套餐，有龍蝦、蟹、鮑魚、蠔、蝦以及蜆，老闆今次仲送我們大花蝦，直接送來營地收貨，超級方便。
除了海鮮之外，早一天我特地去蝴蝶街市同事介紹的檔口買了雞翼、金沙骨以及咖哩魷魚，另外又買了雜丸、香腸、蔬菜同埋蕃薯。
點知突然開始落雨，恆仔同DAY急忙穿起雨衣，趕緊起多個天幕遮住啲行裝。
夜晚起天幕加倍困難，好彩最後都順利完成，不過雨實在太大，加上大風，帳篷都不能幸免於難，我們和爸爸媽媽的還好，邱氏一家的帳篷其中一邊全濕。
他們起天幕時我們就開始燒烤，睇相好美好，海鮮也確實非常鮮甜。
不過煮食期間其實一直要穿雨褸或撐傘，最狼狽的時間直情影唔到相。
因為大家各有各忙，所以在第一階段的時候，燒好的海鮮由妹妹拆好殼再送遞至每個工作單位，一人一啖分享美食，份外溫馨。
不過當SETTLE好晒之後，就主要一人負責燒，然後其他人就可以好好坐低享用，海鮮的份量好多，食極都仲有咁。
爸爸就在天幕下加入台山靚蠔和印尼藍花蟹去煮粥，真係超級豪華。不過因為蟹是未劏的，所以我要徒手拆蟹先放到落去煮。我想講，濕濕漉漉食碗鮮甜靚粥真係特別正，絕對是雨中一點暖。
雖然大風大雨，刮風最厲害時其實都有啲驚，幸好大家最後都能夠好好享受這個晚上。
今次爸爸帶來的大天幕保護了我們
今次係曉曉同詩詩第一次露營，點知就遇上大風雨。
傾下計食下嘢之餘，當然唔少得飲返杯喇~
今次依個天幕發觸發了兩宗意外，分別係營繩跘倒曉曉，以及妹妹跘到營繩引致天幕倒塌，下次要買營繩小燈加強安全。
逸逸好有戰鬥力，食埋蕃薯先瞓。
小朋友瞓咗之後就走返出來傾計，天氣唔凍又唔熱，有少少風好舒服。依幾晚係獅子座流星雨的高峰期，本來滿心希望睇下會唔會睇到流星，結果遇上風雨，不過亦因為大風的關係，這晚竟然有部分時間吹開咗啲雲，俾我地睇到星星。
今次係我地第一次係大江埔沖涼，熱水都好穩定，沖得好舒服，不過因為要自己開電掣恆仔又唔知，到佢沖涼時以為過咗熱水供應時間所以無熱水，最後沖咗凍水涼。