一家九口去露營 – DAY 1 – 同大自然玩遊戲

二零二二年十一月二十五日(星期五)

逸逸的學校今個星期有自決假期及教師發展日,本來諗過去旅行,後來打消了去旅行的念頭之後就決定不如去露營。爸爸媽媽和妹妹一家聽了我們的計劃之後也決定加入,成就了今次熱鬧的一家九口去露營。

今天妹妹下午還要上班,所以我們做先頭部隊先入營,她放工後再同DAY後JOIN。

逸逸有得去露營好開心

今次我地再去大江埔露營,因為已經第三次來,已經成為識途老馬。

大江埔最大的好處就是草地可以入車以及每組人都會有清楚的專屬空間,在這疫情期間特別重要。今次我們分配到16及17號營位,是相連的草地,不用像上一次跟爸爸媽媽來時要走出走入。

三個小朋友嘆下先

輪流坐下搖搖椅(當鞦韆玩)

仲有打下羽毛球,雖然兩個都唔係太識打,不過都明顯越打越好。

恆仔今次特登買了一個膠鎚仔俾小朋友試下揼營釘,真係無懷舊鐵鎚咁好力,不過我地個懷舊鐵鎚都要退疫喇。

試下先

分工合作,三個小豆釘,一人負責一粒釘~

我就沖返兩杯咖啡先,一杯俾爸爸,一杯就自己嘆~

真係好RELAX~我將依張相POST上FACEBOOK,中學同學笑我好似成日唔駛返工咁享受人生,我話返工好辛苦時唔會POST FACEBOOK架嘛~

 

今次多咗ME TIME,我終於可以一嚐在草地上面做YOGA的心願,正呀﹗

點解曉曉咁納悶咁一個人坐係度?因為佢俾蚊咬到無心機呀﹗可憐~

轟隆轟隆小火車,玩下就唔痕架喇~

天有不測之風雲

介紹下支新燈先,係咪好靚呢﹗上次我地行迪卡儂時逸逸話好鍾意佈置帳篷的旗仔,下次露營前要上淘寶揀下。

今次爸爸添置咗個新天幕,夠晒大真係幾唔錯,下次我地自己一家三口都要借嚟用,今晚依個天幕仲打救咗我地添﹗恆仔原來都有備而來,上YOUTUBE學咗點樣起天幕,今次起得快咗好多,而且亦起得比以前靚。

爸爸仲添置咗張新椅,真係好舒服喎~

天都開始黑喇~但係DAY同RITA都仲未到,有排都未食得嘢,小朋友食住零食先喇~

Comments

comments

發表迴響

你的電子郵件位址並不會被公開。 必要欄位標記為 *