西貢FAMILY STAYCATION – DAY 2 – 肥婆環島遊‧橋咀連島沙洲美景‧超豐盛海鮮大餐

返到酒店沖好涼,因為約好了3PM再出門,希望逸逸可以利用中間少少時間瞓個晏覺先再出動。

我就嘆返杯咖啡

可惜逸逸興奮得滯瞓唔著,兩點幾時聽到隔離房傳來詩詩的喊聲,可能係太累吧﹗不過妹妹說可以抱住她瞓,於是照舊3PM出發下午的行程。

我們搭巴士去西貢碼頭,巴士搖下搖下曉曉同逸逸都快要睡著覺,所以落車後先去便利店買珍寶珠,作為小朋友的CANDY BOOST。

因為詩詩還在睡,於是我們揀咗參加肥婆環島遊,全程一小時,有一個站可以落船逛下,唔落船直接坐返西貢碼頭又可以,比較FLEXIBLE。

橙色就係我地坐個隻船喇~

逸逸的CANDY BOOST要即刻開始用,戴住口罩真係好麻煩,希望可以快啲唔駛再戴口罩喇~

大家一齊坐船,吹下海風~

欣賞下兩岸風光

本來一心來西貢可以坐船遊地質公園,原來普通船只可以沿我畫的紅色箭咀走一圈,要參觀地質公園,下次應該要參加專門參觀地質公園的旅行團。

雲層好厚,天氣唔太好,不過幸好也沒有下雨。

有好多人遊船河,以及進行各式各樣的水上活動,好羨慕呀~

依個係唯一有印象坐係船上面參觀的景點,左邊是蝙蝠洞,右邊是機械人石,俾啲想像力睇唔睇得出?

沒想過天氣漸漸好轉,仲見到藍天。

來到唯一可以落船的中途站 – 橋咀島

原來橋咀島屬於地質公園中西貢火山岩園區的一部分,位於西貢古破火山口的邊緣,而且景色非常美,為我帶來意想不到的驚喜。

美麗的沙灘

橋咀島的最大亮點就是連島沙洲,一個在適當的時間才會遇上的浪漫的地方。只有在潮退的時候,水位降至1.4米以下,行人才能橫過連島沙洲。

我們非常幸運,在沒有做過任何功課之下,順利橫過連島沙洲。

要前往對面的橋頭,首先要經過大石區,

接住就係小石區

小石路真係好靚,加埋逸逸MODEL,影相一流~

水位最高的地方有機會濕少少腳,所以著涼鞋比較好。

成功來到橋頭,有遊人幫我們拍照。

很累的詩詩也來到了

大合照

依度真係好適合影相

三個COOL COOL的美少女

婆婆媽媽孫女三代同堂

慢慢開始潮漲,條連洲路比我們剛行過來時窄了很多~

這是逸逸的妹妹,我們的細女KIKI~

係條路消失之前要返去喇~

返到西貢碼頭,我們今晚打算食海鮮,隨便就選了招客最積極的洪記海鮮酒樓。

招攬我們的店員遊說我們的時候,見我們六個大人帶住三個小朋友,就說叫個六人餐就很好;不過因為詩詩和曉曉都會食海鮮,只有逸逸不吃,所以我們沒有聽話,決點點了一個八人餐。

咩事笑得咁開心?

沒有想過食物份量超級多,除了扇貝之外,鮑魚和蟶子竟然一人分到多過一隻,終於明白點解之前店員叫我地叫六人餐。食物超級美味,特別係條魚蒸得剛剛好,本來已經飽到上心口都忍唔住要食晒佢。最不可思意的係平日拒絕食蝦的逸逸竟然係度食咗五、六隻白灼蝦……

本來去西貢食海鮮只係一個所有人都會做的MUST DO ITEM,完全無諗過只係叫餐都質素咁高,而且價錢好實惠,真係好抵食,回味無窮。

玩咗一日,係碼頭買啲飲品就搭的士返酒店好好休息了。

Comments

comments

發表迴響

你的電子郵件位址並不會被公開。 必要欄位標記為 *