我的逸逸幼稚園畢業了﹗
感激晶晶幼稚園的校長、副校長同埋老師,讓逸逸在一個充滿愛及安全感的環境學習同埋成長,亦在教養小朋友方面俾家長好多支持。
因為疫情關係只能在校園舉行畢業禮,正如校長所講,室雅何須大,依個畢業禮每一分鐘都係屬於依班K3小朋友,佢地係真真正正的主角,睇到小朋友練習左好耐的表演,老師幫小朋友拍片講感謝父母的說話,比起往年在屯門大會堂的聯校畢業禮更溫馨更感動。
K3畢業禮分兩場,上午班一場,下午班加全日班一場,因為逸逸也有同全日班的同學仔一齊上課,未能一起參加畢業禮及拍照留念是最遺憾的地方。
溫馨的畢業禮,令我最驚喜的是逸逸企出來用咪介紹自己非常淡定有自信,GOOD JOB﹗
好老師
好同學
畢業禮後還有親子活動就是畫玻璃畫,原來係畫學校塊玻璃呀﹗
主題是花和昆蟲
9月初逸逸以校友的身份返去幫手賣旗,睇下幅玻璃畫幾靚,係佢地個屆K3同學的作品,搵唔搵到逸逸畫個隻昆蟲?
PS因為疫情嚴峻,每一日都好擔心教育局宣佈停課,又好擔心會中招令逸逸未能參加畢業禮,真係好大壓力。