二零二二年二月二十六日(星期六)
自屯赤隧道通車後，屯門入口附近的浩和街一條超長沿海堤壩成為打卡新熱點，更被譽為港版邁亞美，去年5月有一日放工我也特地驅車過去睇下。
環境真係好靚，不過我們家中沒有喜歡打咭的美少女，小朋友對於落車影張相無乜興趣，所以一直都沒有特地一家大小一齊過來。
直至疫情第五波來勢洶洶，邊度都唔去得，仲要小朋友上ZOOM CLASS，我又經常WORK FROM HOME，一日到黑屈係屋企。有一個星期六突然諗起依個地方，無乜嘢做去海邊堤壩曬下太陽散下步都唔錯，就驅車來了。
冬天的草比較黃，個樣無上次去時咁靚~
不過係海邊吹下海風真係好舒服
而且仲有無人大草地，真係好爽﹗
見到有人帶埋帳幕嚟野餐，雖然當時我無膽量係公眾地方除罩相見，不過真係好羨慕。
自始，浩和街成為我們在疫情期間有一段時間最鍾意去的地方。