二零二二年四月十七日(星期日)
今日幫逸逸約左去沙田圓洲角體育館打第二針復必泰疫苗，所以我們要出城喇﹗
今次逸逸繼續叻叻，只係有少少緊張，順利完成。不得不讚一讚醫管局的心思，今次除了第一針也有的貼紙之外，仲預備咗摺紙俾小朋友打完針休息時玩，持續進步。
上次媽媽生日去了科學園食晚飯，完全欣賞唔到嗰度既景色，一直心思思想日頭再去一次。難得駕車嚟到沙田，決定去科學園吃午餐。
可能因為是復活節LONG WEEKEND的原故，好多人專程來科學園吃午飯，餐廳都要等位。幸好我們等位的餐廳對出有一個大草地，可以俾逸逸跑下。
我們選了位於平台食多國菜的餐廳HUNKY DORY，環境同食物都唔錯。
逸逸好興奮咁話依間餐廳好犀利，無玻璃架，一陣我地可以直接係前面走出去~
食完飯都仲唔捨得個草地，要玩多陣扮動物先肯走。
逸逸仲唔係扮緊魚仔？
佢係RICE ROBOTICS，負責室內運送工作，可以送餐送藥甚至送文件，係最友善既機械人咁話喎~
科創就係咁樣，FIRST THEY LAUGH, THEN THEY FOLLOW.
逸逸最鍾意PLAY，其實仲有WORK同埋LIVE。
自動駕駛車測試場，令正好剛剛睇完韓劇《START UP》既我心心眼，不過WEEKEND的測試場變左滑板車公園。
好靚既人工湖，依度超級多人，湖畔的餐廳亦好明顯多人到違返晒防疫措施。
逸逸幫我地影既靚靚合照
我地本來想去海邊行下，但要橫跨條單車徑，而條單車徑BUSY到我唔係咁行過去，大家都抗疫疲勞走晒出街玩，都係算喇~
周圍都係靚靚藝術品。
就係咁樣，我地係科學園度過左一個好悠閒既星期日下午。