二零二一年十月三十日(星期六)
明天就是HALLOWEEN，今天也算是入園高峰期，往日的我們當然會避之則吉，但手持年票又另一種講法，只係入去感受下氣氛，設施太多人排隊就唔好玩，人太多頂唔順又可以隨時走，於是我們就決定入園喇﹗
我們大約3:30PM才到達迪士尼，車場竟然FULL咗，可想而知真係超級多人，不過園區開放了旅遊車停車場，好彩仲有得泊車，只係比平日行多幾步者。
入場後就見到畫緊地畫，入黑之後蘋果上面的骷髏頭會變成螢光色架﹗
美國小鎮大街人頭湧湧
好多人都FULL GEAR上場，今年最受歡迎就係模仿韓劇魷魚遊戲的打扮了。
平日逸逸偶然都會著公主裙去迪士尼，今日早上有地方要去所以著得比較清爽，好彩上衣都叫做有迪士尼色彩的MARIE，唯有逗她說今天她扮MARIE，加上帶咗米妮頭箍，都叫做有少少氣氛。
TRICK OR CHEAT﹗今次我地自己帶咗南瓜袋﹗
拎到好多糖
今日入園的HIGHLIGHT，就是參加米奇HALLOWEEN玩轉大街派對，最驚喜的當然是見到蘇菲亞同埋吸血鬼娜娜呀，是為即張登場的DISNEY+舖路嗎？
因為之前架車拎咗去整咗成個月，我地都好耐無入迪士尼，滿足下逸逸的要求，排隊玩下小小世界。
逸逸見到其他人戴住南瓜帽覺得好鍾意，於是我地又返去夢想花園排隊拎，順便又再排隊拎糖，拎糖時要講TRICK OR TREAT都仲係怕怕醜醜，但起碼敢自己行埋去無縮係我身後面先喇~
開始天黑，我地向探險世界進發，別有一番風味。
夜晚去玩森林河流之旅好似特別驚險刺激﹗
本來想睇下有無機會去原野劇場欣賞《惡人舞動迪士尼》，點知今場都未開始，已經有人開始排隊預備睇下一場，我地依啲怕排隊的都唔駛諗。
不過我地都影下充滿萬聖節氣氛的樂園，依度有兩個BOOTH，分別係《101斑點狗》的庫伊拉同埋《睡美人》的黑魔后呀﹗雖然我地見唔到兩個壞女人的真身，但我地都係個BOOTH影下相先。
下一站係灰熊山谷玩射水，次次都咁興奮。
人太多無可能搵到地方食晚餐，我地去咗餐車買熱狗、火雞翼同埋米奇PRETZEL，坐係長椅慢慢食順便休息一下﹗老實講，依幾樣食物都係又貴又唔好食，餐廳質素高好多。
點解咁辛苦都要係迪士尼食晚餐？因為難得夜晚入園，梗係睇埋WE LOVE MICKEY大街投影盛演先走。
對上一次睇依個SHOW已經係2018年，當年只得1歲半的逸逸當然全無印象，所以今次係逸逸的認知中係第一次睇，仲睇到如痴如醉添﹗不過今次結尾就無主角米奇出場了。
今晚迪士尼真係久違了的熱鬧~