二零二一年四月十六日(星期五)
昨晚才在香港迪士尼樂園酒店的晶荷軒吃晚飯，今天又來迪士尼樂園了，難得平日放假嘛。
逸逸放咗學食完午餐就入園了。
今日我哋見到工作人員係地面畫畫，好靚！畫嘅係邊個？我都唔係好識😅😅
今日第一個受寵幸的是小飛象
排隊等玩轉轉馬時竟然見到仙蒂行過喎
轉轉馬
之後玩Pooh Pooh
然後到小小世界
下一站係發夢（Ironman)，我有啲唔舒服，唔敢玩啲要戴立體眼鏡的遊戲，所以留係外面等佢兩父女去玩，原來玩一轉都花幾多時間。
飛碟就無問題可以一齊玩
遇上米奇與好友歡聚十五週年列車
逸逸睇得好投入，不停同公主們及迪士尼朋友揮手。
可能因為仲係四月，叫做復活節慶期，今次除咗見到愛麗絲之外，仲見到大白兔，玩埋轉轉杯就差唔多係時候返屋企了。
今日人唔多，三個鐘頭玩咗六樣嘢，夠晒皮！
臨走換埋儲印花的禮物 — Duffy爆谷筒，唔知係疫情關係定香港迪士尼樂園係依方面唔再夢幻，爆谷係分開俾我哋，而唔係放入爆谷筒入面，希望依個只係因為疫情先至咁處理喇！