二零二零年十一月二十一日（星期六）
今天是迪士尼城堡正式揭幕的日子，15週年慶祝活動及聖誕節慶活動也正式展開。往時這些特別日子我一定避之則吉，但有見早兩星期Full Booking的人流也是可以接受的程度，加上有年票的關係，如果真的人太多只是入園看看城堡玩一次小小世界就走也不可惜，所以決定要湊這個熱鬧。
今天沒有來得特別早，但我已心急如焚的想盡快入場，但逸逸還是堅持要先看看今天無乜人留意的噴水池。
來到正門，見到為慶祝15週年而設置的迪士尼朋友裝飾，逸逸超級興奮的感嘆：嘩！點解依度唔同晒既？
所有今天入場的賓客都可以獲得一個15週年生日襟章
仲換咗新Poster
逸逸做攝影師幫我們影相
這是用來投寄聖誕慈善明信片的，本來諗住下次買，點知又因為疫情封咗園。
開始遊玩之前，我們先去Corner Cafe排隊拎籌吃午餐，依家只要留底聯絡電話，差唔多有位就會用SMS通知，但15分鐘內唔到就當放棄。
今天的重點之一，就是參觀奇妙夢想城堡故事展。
首先簡介一下舊城堡與大家共同創造的回憶
由概念到建成，解構迪士尼幻想工程師在幕後所用的創意工具及技術。
城堡上運用不同的材質
全部都是以城堡為主題的美美油畫
令人睇到入晒神的城堡模型
城堡設計包含了每位公主和女王的獨特個性。城堡上的13個城塔都有不同的象徵元素，例如顏色、標誌、紋理，分別代表13個公主和女王的故事。
可能因為始終Elsa同Anna唔係迪士尼的公主系列，而係Frozen係列，所以唔會畫埋一齊？
新城堡真的很美，有迷惑人的力量。
介紹每個塔的設計，和與相關公主的故事。
可以仔細欣賞13個塔尖的設計
還可以認識一下13個公主/女皇的故事
城堡前面的舞台舉行米奇與好友聖誕舞會，為了讓逸逸看清楚舞台，恆仔讓逸逸全程坐在他的肩膊上，不得不說爸爸真偉大。
現場有不少爸爸起初都有讓孩子坐在肩膊上，但大部分去到一半已經放棄了，所以要讚下我老公真係好厲害！
我地去玩小小世界喇，今次的主題係數馬騮。
本來逸逸話想睇迪士尼魔法書房，但排隊的人實在太多，Distract下佢先⋯⋯
嘩！有小青豆（Olu Mel)呀！依架叫做「米奇與好友歡聚十五週年」列車，一卡載住Mickey & Friends，一卡載住公主，一卡就係Duffy & Friends，陣容強大。
去玩轉轉杯～
幻想花園的裝飾
聖誕高飛呀！今日周圍都充滿驚喜！
騎轉轉馬，今日出奇的排隊的人唔算多，可能因為多咗好多巡遊表演和迪士尼Character Meet & Greet。
已經差唔多2PM仲未收到Corner Cafe的訊息，去問下排隊status，仲要等太耐就放棄改去其他餐廳。
點知我哋一去到餐廳門口就收到餐廳的短訊，實在太好了。
餐廳墊枱紙都換上15週年的圖樣
我和恆仔點了兩個set lunch，Corner Cafe的食物水準永遠都唔會令我們失望。
逸逸的兒童餐也不錯
這天吃飯的時候鄰座是一位爸爸帶住兩個兒子，基本上爸爸完全無兩個兒子辦法，孩子坐唔定又唔肯食嘢，結果爸爸整頓飯就是不斷在生氣，孩子卻愛理不理，看在眼裏坐旁邊的我們也覺得累。
吃過午飯，我們就去城堡區走走。
傳媒大力推介由林嘉欣聲音導航的「奇妙夢想城堡導賞之旅」原來是以這樣的形式進行，我唔知道係咪真係可以帶領我們360度欣賞城堡上每個塔樓、圓頂、尖塔及尖頂的細節，因為我們無帶耳機，哈哈。
其實本來我以為是類似博物館導覽，集合一班人然後一邊跟住指定路線參觀一邊聽導覽的。
第一次可以走進城堡前的庭園
一家三口同城堡大合照
穿過城堡就是夢想世界了。
依家可以在城堡入面的Royal Reception Hall合照，我們經過時就見到茉莉公主，排隊合照的人很多，我們就沒有排隊了。
去到明日世界，見到穿上聖誕老人裝的史迪仔，好cute呀！
逸逸話要嚟玩飛碟，Hermione has the control。
之後我提議玩蟻俠與黃蜂女，逸逸又驚到全程趴低，4700就係逸逸的分數，出嚟之後佢話：「我做唔到勇敢逸逸。」但係，佢又無抗拒下次再玩，仲話下次要同爸爸坐，不過都仲係會烏低身。
跟住唔知點解逸逸好堅持要同Ironman影相，排咗好耐隊呀。
同Ironman影完相一出嚟就見到蟻俠同黃蜂女，第一次見咋。
一場過到嚟，我心思思想玩鐵甲奇俠飛行之旅，過去望吓逸逸的高度剛剛達標，實在太好了。玩完之後逸逸問：「我啱啱係咪發咗個夢？」好搞笑。
我地又返去玩小小世界，好耐無試過係迪士尼留到咁夜，著咗燈的小小世界好靚。
靚靚15週年影相位
玩多次轉轉杯就走喇
晚上的城堡又有另一番美態
咁多人圍住聖誕樹嘅？問一問工作人員，原來7:00pm有聖誕樹亮燈儀式，但仲要等多半個鐘，不如下次晏少少入園先睇喇，點知好快就因為疫情封咗園，聖誕都過埋，無得睇了。
我地累積消費可以爆谷買一送一，於是買了一盒焦糖一盒椒鹽，但甜味爆谷比鹹味爆谷實在好食太多了，下次識揀喇！
不過，究竟下次幾時先可以再入園呢？逸逸已經講咗好多次如果少D菌我地去迪士尼呀⋯⋯