逸逸已經玩到好累，我們決定去附近的JJ Mall吃午餐。
雖然說是附近，其實也要行一段長長地的路，沒想到我們會途經CHATUCHAK WEEKEND MARKET售賣水族用品的部分，攤檔數目非常多，令我們大開眼界。
除左見到好多魚仔之外
仲有超級大龜，如果有興趣，究竟點樣可以搬佢地返屋企？
來到睇起上嚟已經好有歷史的JJ MALL
入到去一睇，個商場果然係好有歷史。舖頭、食店都唔太吸引，好彩俾我地發現左2樓有個FOOD COURT。
FOOD COURT的裝修也是老派的風格，攤檔的選擇也不算多，不過最重要的是環境也算乾淨企理，有冷氣人又唔多，可以坐得舒舒服服。
逸逸一坐低就瞬間瞓著左，所以得我同恆仔兩個人食。
我食豬肉丸金邊粉
恆仔食豬扒配薯條
我仲飲左個唔凍的椰青，真係好掛住芭堤雅酒店外面又便宜又冰凍又清甜的椰青。
依個FOOD COURT係用儲值咭消費，先買儲值咭，㨂啱食物就用儲值咭扣數，離開前去就餘額辦理退款手續就可以了。因為我們還是第一次嘗試這種消費模式，於是選好食物之後就買左exact銀碼的儲值咭，結果恆仔後來想要加點串燒，又要去入過錢。
串燒印象中唔係熱辣辣
食完午餐，逸逸醒左但仲係呆呆地，決定等佢醒d先食嘢，我地係JJ Mall的老式超級市場逛左個圈買左d手信，買返嚟的零食又便宜又美味，非常好。
逸逸午餐之選，最理想一定係返到酒店附近食麥當勞，食麥樂雞一定唔會輸。
逸逸都食完午餐，返酒店休息一陣就落泳池游水。
因為無水泡，逸逸學習用浮板踢水。
用浮板越嚟越得心應手
踢踢踢踢就前進了
本來諗住影大合照，但逸逸好明顯係想再次出發⋯⋯