二零一九年十二月二十四日(星期二）
今朝瞓醒覺就落酒店餐廳食早餐，可能因為聖誕節假期的關係，要等一下先至有位。
早餐依舊質素不錯，最愛還是泰式食物。
食完早餐陪逸逸去Playroom玩一陣，佢果然大個女左好多，15個月之前來玩基本上完全handle唔到個戶外滑梯獨木橋個part，今次來就已經變得輕而易舉。
出發喇，今朝我地去位於CHATUCHAK附近的Children Discovery Museum，我們搭乘BTS前往MO CHIT站。
穿過上次都有逛過的CHATUCHAK Park，轉多兩個彎就到了。
Children Discovery Museum，免費入場，只要登記証件和入場人數就可以了。
見到色彩繽紛的卡通壁畫，已經覺得充滿歡樂。
一入到去首先就見到嬉水區，而且正好遇上開放時間，不過只剩下15分鐘，唔好理喇，衝入去玩左先。
我陪逸逸入左危險地帶，要步步為營，因為只係幫逸逸帶左替換衣物，我無架。
一開始時玩得比較斯文
只係水柱之間走來走去
不過當開始濕身之後就開始自己追住D水照頭淋
玩到成隻落湯雞咁
同其他小朋友雖然沒有任何語言交流，但照樣一齊玩得好開心。
「我最鍾意玩水」
嬉水區旁邊就係更衣室，幫逸逸抹乾身，再由內至外換過套衫之後，就出發去室內區玩了。