返到酒店，我地同逸逸講快D換泳衣喇，我地落水玩水呀！逸逸即時兩眼發光，然後話：「一日可以玩兩次水咁好？」
其實今朝游完水d泳衣都未乾，不過唔理咁多喇，因為我地要趕去泳池參加逢星期六4pm-5pm舉行的Family Foam Adventure呀!
我地來到時原來Family Foam Adventure已經開始左，酒店在泳池旁邊的一個角落安裝了泡泡機，睇見都覺得好玩。
點知逸逸起初見到竟然覺得驚，唔肯過去，嚷著要留在泳池玩水。我的心裏非常焦急，我是為了這個foam party才住Pattaya Hard Rock，成個行程設計也就住依個活動來安排，而且我真係好想玩，幸好在半推半就之下逸逸終於肯入去泡泡區體驗一下。
嘩！原來d泡泡暖暖地架，周圍都係泡泡真係好過癮。
雖然泡泡唔醃眼，地亦唔會好滑，不過泡泡量都幾多，帶住逸逸依d小朋友真係要睇到實，如果唔係真係有機會俾泡泡淹沒。
玩完泡泡，沖過身，再跳進泳池玩多陣水，之後就返房沖涼再瞓覺。
瞓醒覺又已經天黑，到了吃晚飯的時間，今晚的目的地是逛芭堤雅夜市，於是決定在沿路找吃晚飯的地方。
最後被Central Festival Pattaya Beach門前的攤子吸引住
因為依度都有Band Show睇呀！
全場大約有十多個攤子，炒粉麵各式串燒飲品甜品都有，最特別的是一檔專賣鱷魚肉的，不過我見圍觀的人多光顧的人少。
我幫逸逸點了雞肉炒飯，食得超多；我和恆仔就主要食各式串燒和蒜茸包，樣樣食物都唔錯。
我們就坐在舞台及攤子中間的露天座位享用我們的晚餐，天氣一點也不熱，一邊聽住音樂一邊食野，別有一番風味。
仲飲左芒果汁
同埋食左靚靚雪條
向前行多幾步就是芭堤雅夜市
貨品沒有很吸引，價錢也沒有很便宜，我們隨便逛了一圈就走了。
回程時見到依個兩隻手會fing黎fing去的吹氣公仔好似打緊功夫咁，好搞笑。
返酒店之前當然要去蓮姐買芒果糯米飯做宵夜喇，Yummy。