二零一九年七月十日（星期三）
來到旅程的最後一日，也是第四次吃やよい軒的早餐。
今日試埋最後一款：健美定食。這個健美定食對於我來說非常特別，除了有燒鯖魚和豆腐之外，還有以往我一點也不喜歡完全接受不到的納豆。
不過今次吃法有點不同，這次是將幾樣黏黏食材例如秋葵同海帶撈埋一齊，未至於覺得好好食，但唔抗拒，聞落亦無怪味，最後成就我人生第一次食晒自己成份納豆。
因為我將焦點放左係我的納豆身上，沒有影低恆仔食左邊款，不過根據他的口味，唔係洋定食就是炸雞定食的了。
逸逸今早都試左外面長枱自取的乳酪，佢話好味道喎。
我們今天其實是搭3:10pm的航班，不過10:00am Check out後就直接拎埋行李搭JR去機場。
離開之前，在札幌站食多次KINOTOYA BAKE的芝士撻先，今次試了藍莓餡我芝士撻，都好好味。
今次出機場用埋最後一日JR東北·南北海道5日flexible pass。
去到機場，其實已經出左閘等緊升降機之際，突然有職員走過來問我們剛才是否用JR Pass，又問我們係咪唔需要再搭，然後就說要收回我們的JR Pass。
其實我覺得這個舉動很奇怪，我明白會擔心旅客有機會將JR Pass在機場出售與剛到埗的旅客，但至少要在我面前剪爛JR Pass，這樣追出來然後拿走我的JR Pass，不難令我聯想職員會否將我的JR Pass給其他人用。
新千歲機場有趣的景點真的著實不少，我們首先經過Royce Chocolate World。
除了展示朱古力產品之外，還可透過玻璃參觀工廠的實際生產情況。
現在不用特別去白之戀人，也可以在機場參觀Royce的朱古力工廠。
接下來經過了其實我也非常感興趣的Hello Kitty Happy Flight，付費區入場費要800円，絕對不是轉入去隨便繞個圈的規模，入面超多影相位，可惜因為時間所限，今次的目標是同樣也要付800円入場費的多啦A夢Sky Park，詳情下一篇blog再講。