夏之北海道 – DAY 3 – 全新的旅程:函館你好﹗

二零一九年七月二日(星期二)

今天我們要離開札幌,酒店CHECK OUT時間是10AM,所以未夠9AM就要落去食早餐了。

今早我選了恆仔昨天吃的洋定食,恒仔則試了炸雞定食,我覺得洋定食是四款早餐之中最沒有魅力的一款。

食完早餐我們返房執埋行李,我們叫逸逸幫手撕碎無用的紙張,是黃老師教鍛練小肌肉的方法之一。

今次我們會在函館住兩晚洞爺湖住一晚,再返回札幌的酒店,恆仔一聽我的行程安排已說我瘋狂。因此,我們將留下SIZE較大的DOG DOG車在札幌的酒店,只帶較細的紫色車車加一個旅行袋出行。

前往JR站的路上,又是數數目的時間。這是恆仔昨日想出來的玩意,每次過馬路時遇上紅燈,就同逸逸一齊數下幾多下轉綠燈,成為今次旅行的樂趣。

今天要在火車上吃午餐,所以第一時間毀去買車站便當。逸逸一望到全盒都是三文魚子的便當模型就說要食波波飯,但我係一個貪新鮮的人,絕對接受不了放棄那些七彩繽紛的便當,最後勉為其難選了一款有少量三文魚子的便當應付了逸逸的要求。

因為要遷就CHECK OUT的時間,所以來到JR站時還有點早,所以周圍行下,見到依間KINOTOYA BAKE賣的芝士撻很吸引,買了一個上月台坐低慢慢品嚐,芝士撻真係超級美味,好味到我們臨離開日本時要ENCORE。

上車喇~搭JR滿6歲才要購買兒童票乘車,但免費就當然不佔座位,其實開始有d迫,看來下次再去日本如果又要買JR PASS,要考慮買一張俾逸逸。

旅程的頭一兩天也是回味HONEYMOON的安排,踏入第三天,全新行程即將展開,我們將要乘搭接近4小時的火車前往我心目中的浪漫之地—函館。

差不多4小時的車程做乜嘢好?剛開始當然是跟火車迷逸逸一齊睇下路軌上面的工程車,之後就是睡覺時間,兩父女瞓覺我就打機,逸逸瞓了兩個小時,瞓醒覺食埋午餐就睇下火車上的雜誌。逸逸愛上了放在車上介紹北海邊物產的雜誌,於是我們就要不停跟她一起吃書入面的食物,牛肉、蟹、明太子、鮑魚、哈蜜瓜、露筍⋯⋯樣樣都話食,扮食時樣樣都話好味道,但現實中的逸逸其實好抗拒新口味,樣樣都唔食,好搞笑。

2:30PM就落車,逸逸瞓到1:15PM都未醒,我地決定要叫醒佢,唔係食唔切便當喇!

我的便當除了三文魚子之外,仲有海膽、蟹肉,味道都唔錯,我分左波波飯俾逸逸;恆仔的是簡單的壽司便當,逸逸就分享了腐皮壽司。

食完便當,坐多一陣就到達函館了。

我們住的酒店就在函館站的斜對面,路上看到可愛的長頸鹿圍欄,記得以前也曾在東京街頭見過HELLO KITTY圍欄,使唔使咁CUTE呀!

我地係函館住的酒店—HOTEL RESOL。

我辦理緊CHECK IN手續時原來逸逸瞓左係LOBBY的梳化,唔怪得之後每次經過時都要瞓一下。

我們BOOK的是雙床房,但酒店幫我們加了床,唔知係咪只要填左兩大一小就自動DEFAULT加床?結果那多出來的一張床就成了垃圾崗,衣物亂咁丟。

兩份便當三個人食唔太夠飽,我們在火車站的便利店一早買定下午茶,包括美式熱狗同埋北海道限定鹽味炸雞,又幾好食喎,我仲買左杯LATTE醒醒神添!

楊生同楊小姐瞓左係床唔願出發,激死人喇!兩父女仲要偷笑。

我地出發喇,白色熊熊你乖乖等我地返嚟喇!

Comments

comments

發表迴響

你的電子郵件位址並不會被公開。 必要欄位標記為 *