6月1日是妹妹的正日生日,本來她邀約大家一家九口一起去海洋公園玩,點知出發前一晚曉曉發燒妹妹眼睛發炎,但我們又早已向逸逸預告要去玩轉轉馬,正好早前透過公司買了迪士尼樂園的特價門票,結果變成我們一家三口超突然的迪士尼之旅。
天氣其實唔係幾好,間中有微雨,我地同逸逸講:我地今日去米奇屋企玩呀。
剛入場的時候灑了一場雨,我地幫逸逸著好雨褸之後,天氣又有少少放晴,好幸運的成了唯一穿上了雨衣的時間。
原來城堡裝修進行中,唔知整好之後會變成點呢?
好可愛的小鹿斑比和小兔子
依排逸逸好懶行路,本來好擔心帶左車車逸逸會唔肯落地行,原來有得玩同周圍睇野係唔會架﹗
第一站首先來到小小世界坐船船
逸逸繼續睇得非常專注,而且因為在學校認識了世界真細小這首歌,所以玩得更加投入。去完北海道旅行回來香港,逸逸偶然會話好鍾意去旅行,問她最鍾意去邊度玩,佢會答去迪士尼坐船船……
因為早一天同逸逸講左坐馬馬,所以今日先至來了迪士尼,本來諗住逸逸大個左可以試下自己坐一隻馬馬,點知佢埋到去驚驚,甚至想坐馬車,結果最後同我坐一隻。
下一站是坐蜜糖杯杯,好好玩,也是逸逸美好的回憶。
跟住去左坐小飛象,唔知點解,今日逸逸成日都話要同爸爸坐,嗚嗚…….搶走我老公的小傢伙。
下一個節目是去睇迪士尼魔法書房,逸逸識多左唔同的卡通人物,特別是雪寶(小白),所以特別投入。
逸逸電量耗盡了,我們去了有冷氣的火箭餐廳坐下讓逸逸睡覺,瞓醒就理所當然的在這兒開餐了。我地食住先,逸逸瞓醒先至加入。
可能天氣好熱,只係食左好少野就唔食了。
食完午餐我地去左全新的蟻俠與黃蜂女:擊戰特攻!,原來是巴斯光年星際歷險的變奏版,以前我地都鍾意玩巴斯光年星際歷險,實在太好了,而且,最好的地方就是不用排隊。
之後就去排隊玩逸逸講左好耐想玩的飛碟,又係同爸爸坐……
去到TOY STORY LAND逸逸最開心,佢好鍾意勞蘇蛋,愛不釋手,係度留左好耐都唔肯走。
一齊係度同ABC玩捉迷藏
開心到跳起
有人黎影相我地行開一陣先,影完又埋去玩過。
總之跑勻成個TOY STORY LAND。
逸逸好想玩沖天搖控車,我話未夠高喎,一係玩轉轉彈弓狗或者玩具兵團跳降傘喇,因為我之前都只係玩過一次玩具兵團跳降傘,所以私心想玩多一次。
玩具兵團跳降傘高度限制是81厘米,已經超過90厘米的逸逸當然已經達標,不過不論係開始排隊同埋臨上去之前都俾人捉左去度高,而且剛入來的時候還因為要返轉頭度高而湧了一班人在我們前面,好在他們最後都是排單人隊伍。
我一直以為鍾意刺激玩意的逸逸應該好鍾意玩,頭兩下上落的時候都仲係好興奮,但後期卻驚到成個人震晒,坐對面的小朋友仲驚到喊添﹗逸逸落黎之後話:
- 我唔鍾意依個遊戲
- 今日唔再玩聽朝都唔玩
到兩個月後的今天,偶然再提起迪士尼,佢會話好鍾意船船、蜜糖車、杯杯,但唔鍾意坐遮遮。
為左恢復番逸逸的心情,我地去左玩她自少已經好鍾意的杯杯。
又去玩多次小小世界
最後我地去睇左大家都係第一次睇的魔海奇緣凱旋慶典,其實我們都不熟悉MOANA的故事,唔知係咪因為又熱又累又無位坐,好似覺得麻麻地好睇。
依個就係MOANA同埋MAUI,原來MAUI咁大隻,唔怪知得係個SHOW度飾演依個角色的要自嘲自己是瘦弱版喇~
離開的時候,逸逸話米奇屋企真係好好玩呀﹗