番酒店休息完之後,我地又出動去CENTRAL WORLD食晚飯。
食飯之前,我地首先逛下CENTRAL WORLD對出空地的NIGHT MARKET先~
原來依度有好多小食,睇落好吸引,不過因為始終帶住逸逸,係度食坐得唔舒服,唯有放棄。
係CENTRAL WORLD行來行去都唔知食乜好,最後選了門口播放住胡慧沖廣告的BAAN YING ORIGINAL SIAM KITCHEN。
我們點了兩杯飲品,分別是青檸梳打以及芒果沙冰,我諗有大半杯芒果沙冰都係逸逸飲的。
菜式方面,我們點了炭燒豬頸肉,燒得好香,逸逸食左好多。
不過用來配豬頸肉的糯米飯有點奇怪,口感很硬,幸好點菜的時候我根本就不知道它的存在,所以也不會失望。
這是特地點給逸逸的炒粉絲,點知反應麻麻地,可能因為不喜歡入面的香料,不過對我來說就幾好味。
逸逸對菠蘿炒飯的反應又是很一般,可能又是那些她不習慣的香料味,又再一次深深感受到帶逸逸來泰國最難處理就是吃的問題。
依個係為我而設,一場來到泰國點可以唔飲一次冬蔭功?YUMMY~
食完晚飯,我地又再次去番水門市場附近的NEON NIGHT MARKET,因為上次睇中左一款可以貼自選英文字的小袋子,有興趣買來給曉曉和詩詩當手信。當時只是旅程的第二天,諗住之後去大城府的水上市場同埋CHATUCHAK WEEKEND MARKET應該會大把選擇,點知空手而回,唯有今次再行一趟。
依檔飲品好搞笑,好似用來輸血的血包咁~
不過搞笑還搞笑,行到口渴我地都係選擇飲椰青,哈哈~
番到酒店,陪逸逸瞓左覺之後,仲有兩件大事要做:
第一件事就係食山竹,下午係CHATUCHAK市場外買了半KG的山竹,雖然外表比在BIG C看到的好一點,不過質素都唔穩定,六個入面有兩個是爛的,不過唔爛個D又真係又甜又好食。
第二件事就係洗衫
我地D衫其實係夠著,不過見到行李箱的衫變乾淨,心情都會特別好。