逸逸第一次去沙灘，是在去年八月(10M6D)的時候，當時逸逸已經沒有驚沙，仲好鍾意海浪，所以暐姨姨再次邀約大家去沙灘玩的時候，我們都熱烈的響應。
因為逸逸很遲才午睡，所以很晚才出門，來到咖啡灣的時候已經快要6PM了。來到的時候公公婆婆和暐姨姨一家正在吃雪糕，因為應承了逸逸今日要玩水水，但又怕太陽落山逸逸落水會太凍，所以雪糕都唔食沙都唔玩就直接落水先喇~
逸逸第一次在沙灘游水
今日好大浪，媽媽都俾浪衝到企唔穩，有一下鬆開左捉住逸逸的手，結果逸逸乘著浪被拋上岸，嚇到媽媽心都離一離，但逸逸又好似唔多驚咁喎~
都係等埋婆婆先一齊落水，去到深水的位置就無咁大浪。
逸逸乘著浪在海裏面又上又落，都唔知幾ENJOY，仲一邊玩水一邊抬頭睇飛機添﹗
嘩﹗連4M12D大的詩詩表妹都一齊落左黎玩水，詩詩睇落都好鎮定，不過暐姨姨話佢應該唔知自己做緊乜，哈哈~
後來連食完雪糕的曉曉表姐同DAY姨丈都落埋黎一齊玩水，好熱鬧呀~
不過因為太陽落山，平日晚上睡覺著背心短褲開冷氣唔蓋被都唔凍但一玩水就變弱體的逸逸，即時成個身震晒嘴唇又開始變紫，於是唯有強制離場。
我們在沙灘上執拾行裝的時候，逸逸對於黏在她的雙腳上的沙非常厭惡，明明我們剛來沙灘的時候在沙上行走一點問題也沒有，估計情況就像平日她不喜歡黏在她身上的飯粒相類似。所以相信暫時對逸逸來說，我們可以來沙灘乾爽的玩沙，也可以落海裏玩水游游游，但又玩沙又玩水暫時就NO NO NO了。