我十四個月大了!
上個月媽咪還說我還未能放手自己行，現在不單可以自由自在的行走，還可以自己急步行、踢波波、轉圈圈甚至跟住表姐跳舞舞，暐姨姨仲叫曉曉表姐問下老師可唔可以俾我一齊表演添！
最近我好鐘意睇書書，公公買的0歲book、暐姨姨俾的動物書同埋媽媽買的peekaboo 書都鐘意，不過最鐘意的是三隻小豬，會要媽媽講完又講，而且熟晒內容，三隻小豬出發去起屋時會同其他豬豬拜拜，大野狼都未跌落熱水我就會講定pat pat，因為我知道佢會俾熱水淥親個pat pat嘛。
食野方面，我最鐘意飲湯湯，依家被婆婆封我為湯王，前湯王暐姨婆都說甘拜下風，因為佢無湯飲唔會喊；另外我都好鐘意食麵麵，所以都一拼鐘意埋叫做杯麵的baymax;水果方面就最鐘意食提子，食到停唔到口。我依家識得自己拎住飲管杯飲水，媽媽讚我自始之後飲多左水水。
我識講既野越來越多，不過好似除左爸爸、媽媽、抱抱、奶奶、湯湯、麵麵、水水、肉肉依幾個字之外，其他唔多實用，所以我開始模仿大人的說話，昨晚我模仿媽媽的說話同婆婆講happy birthday，依家聽到爸爸媽媽講完happy我就講birthday，佢地立即讚我叻叻，看來依句說話應該幾有用；另外我最近學緊1-5，雖然都好似無乜用，不過成日係街上面見到都幾得意。
爸爸媽媽話我細膽左好多，去迪士尼酒店見到史迪仔會驚驚，屋企棵聖誕樹又驚驚，咁真係驚驚嘛！
